Ա′յ կնիկ, դե փակի′ր էլի բերանդ… Պատգամավորներն սկսել են խոսել
Ավարտվեց «Սասնա ծռեր» հերթական դյուցազներգությունը: Մեր էպոսում Սասունցի Դավիթը միայնակ է գնում Մսրա Մելիքի դեմ և նա է մեր հերոսը ու հայ ժողովրդի հավաքական մտածելակերպի արտահայտությունը՝ միայնակ հերոս միայնության մեջ՝ ընդդեմ թշնամու:
Անկախությունը մեր երկրում ոչ թե խորացրեց պետականության, ազգային արժեհամակարգի, պետականամետ մտածելակերպի եզրույթները, այլ իշխանության ձևավորումն ու ձգտումը մուտացիայի ենթարկեց ի սկզբանե այս հատկանիշները:
Երկրում ձևավորվեց միակենտրոն իշխանական համակարգ, որին իշխանության հիերարխիայի բոլոր թելերը փաթաթված են: Դրանով է բացատրվում այն, որ ԱԺ պատգամավորները, որոնք լինելով ժողովրդի կողմից ընտրված ներկայացուցիչներ, պետք է իրենց կարծիք հայտնեին, ներկա լինեին, աջակցեին ժողովրդին վերջին 15 օրերին և կանգնեին ոստիկանների ու ժողովրդի միջև, սակայն երկու բացառությամբ, ի դեմս Նիկոլ Փաշինյանի և Զարուհի Փոստանջյանի՝ ոչինչ էլ տեղի չունեցավ:
Նախօրեին «Սասնա ծռերի» անդամները հանձնվեցին իրավապահներին, այսօր արդեն կամաց-կամաց պատգամավորներ, սեպտեմբերյան, նաև 2017թ. ընտրությունների ակնկալիքներով, սկսել են նախընտրական քարոզչությունը:
Նշենք միայն, որ Հայաստանում քաղաքականությունն առնչվում է ազգակցականության, հովանավորչության, փողի հետ, սակայն ոչ պետականամետ մտածելակերպի, երկրի անվտանգության կամ հանրության կենսամակարդակի բարձրացման ոգորումների: Եվ իզուր է Տիգրան Ուրիխանյանը լալահառաչ փորձում ազգականին տրորելու հաշվին՝ ձայներ հավաքագրել հանրությունից:
Այնպես որ՝ արդեն սկսվել են պատգամավորական լո-լո-ները, որին պարզապես կարելի է ասել, լավ էլի, եղբայր, այդքան իջնել պետք չէ, արդեն հատակում ես:
Ինչպես միշտ, այս անգամ էլ բոլորին անակնկալի չբերեց պատգամավոր Շուշան Պետրոսյանը, ով հրաշալի երգչուհի էր մինչև պատգամավոր դառնալը, իսկ երբ սկսեց երգելու փոխարեն պատգամավորաբար խոսել, ապա Եվայի սահմանափակումների վերաբերյալ արական սեռի կարծիքներն ավելի ամրապնդվեցին:
Ա′յ կնիկ, դե փակի′ր էլի բերանդ…
Ավարտվեց «Սասնա ծռերի» 15 օրը, այսօր արդեն դուրս կսողան մկան ծակին 1000 թուման տվածները, պնակալեզները, իշխանասողները, 15 օրով գնացած-վերադարձածները:
Ընտրություններ են…
Թիմում մեծ մասը հրաժարվել է մանդատներից Նարեկ Կարապետյանի հայտարարությունից հետո. «Իրավունք»
Հայկական Վարդավառը՝ հունական Պոսեյդոնի ուղեկցությամբ. 199,5 մլն դրամ՝ տոնակատարության համար
Գումար չտաս՝ երեխայիդ «քթից կբերեն»․ ինչ է կատարվել Երևանի թիվ 134 դպրոցում. Ishkhanutyun.am
Ինչո՞ւ է Արայիկ Հարությունյանը հեռանում. Փաշինյանի պատասխանը նոր հարցեր է առաջացրել. «Ժողովուրդ»
Կտրուկ վատացել է Գագիկ Ծառուկյանի մոր առողջական վիճակը․ «Հրապարակ»
Փաշինյանը որոշել է «ժերտվա տալ» մերձավորներին. «Հրապարակ»
Մոսկվայի հայ համայնքը հանդես է գալիս նախաձեռնությամբ՝ հաջակցություն Գագիկ Ծառուկյանի
Բանտում թե ազատության մեջ՝ Ծառուկյանը միևնույն է երկրում և աշխարհում շատ ավելի մեծ հարգանք է վայելել...
Գագիկ Ծառուկյանը հայտարարություն է տարածել
Ի՞նչ է նշանակում` բաժնի ղեկավարին աշխատանքից ազատել «հաստիքի կրճատման» հիմքով. ո՞ւմ եք ապուշի տեղ դն...
