Պոչամբարների վերամշակումը՝ հերթական ֆիկցիա

«ԱԼՅՈՏԻԳ» ՍՊԸ-ն սնանկ ճանաչելու, կառավարիչ և պարտատերերի առաջին ժողով նշանակելու մասին հայտարարությունը Հայաստանի Հանրապետության հրապարակային ծանուցումների պաշտոնական ինտերնետային կայքում է զետեղված դեռևս այս տարվա փետրվարի 29-ին:

Հայտատուն «ԱԼՅՈՏԻԳ» ՍՊԸ սնանակութան գործով կառավարիչ Սարգիս Միրաքյանն էր: «Ալյոտիգ» ՍՊԸ-ի սնանկության վերաբերյալ գրել էր Ecolur-ը:

Հիշեցնենք, որ «ԱԼՅՈՏԻԳ» ՍՊԸ-ն պետությունից պատվեր է ստացել վերամշակելու պոչամբարները: «Ալյոտիգ» ՍՊԸ-ին հանձնվել է Սյունիքում գտնվող 3 մեծ պոչամբարների պարունակությունը վերամշակման համար՝ 2015թ. ՀՀ ԱԺ-ի կողմից ընդունված «Ողջիի, Փխրուտի, Արծվանիկի պոչամբարներում կուտակված և կուտակվող, ինչպես նաև «Զանգեզուրի պղնձամոլիբդենային կոմբինատ» ՓԲԸ-ի գործունեության արդյունքում գոյացած և գոյացող արտադրական լցակույտերի մշակումը, որն իրականացվելու էր ըստ ներդրումային ծրագրի մասին ՀՀ օրենքով:

Հայցի պատճառը եղել է «ԱԼՅՈՏԻԳ» ՍՊԸ-ի՝ պետական բյուջեի նկատմամբ ունեցած հարկային մարմնի կողմից վերահսկվող եկամուտների գծով պարտավորությունները, որոնք 25.11.2015 թվականի դրությամբ կազմել են 13 436 261 ՀՀ դրամ:

Դատարանի 08.01.2016թ. վճռով «ԱԼՅՈՏԻԳ» ՍՊԸ-ն ճանաչվել է սնանկ:

Հիշեցնենք, որ Ողջիի, Փխրուտի, Արծվանիկի պաչամբարների պարունակությունը վերամշակելու ծրագիրը խիստ կարևոր է ոչ միայն Սյունիքի մարզի պոչամբարների տարածքում բնակվողների, նաև երկրի համար, քանի որ այդպիսիով որոշ չափով կլուծվեին բնակչության առողջական խնդիրները, նաև հանքարդյունաբերության այդ հատվածը՝ պոչամբարների վերամշակումը նոր որակ կստանար, կլիներ պոչամբարների վերամշակման մշակույթ:

Սակայն, ինչպես երկրի բարձրագույն իշխանությունների կողմից ընդունված կամ առաջարկվող որևէ օրենք կամ նախագիծ, կ′ամ ի սկզբանե է դատապարտված ձախողման, կա′մ ավարտին:

Ինչու ԱԺ-ն նման կարևոր ծրագիրն առաջարկել է իրականացնելու մի կազմակերպության, որն ամսներ անց սնանկ է ճանաչվել, իսկ ծրագի՞րը, իսկ ո՞վ է պատասխան տալու: Ելնելով երկրում արդեն ձևավորված նմանատիպ ավանդույթներից՝ ոչ ոք պատասխան չի տալու, իսկ ժամանակ անց կպարզվի, որ որոշ մարդկանց հաշվեհամարներ են արտերկրում համալրվել. ուղղակի այդքանը: Հայաստանում յուրաքանչյուր նման խոշոր ծրագիր պարզապես արագ հարստանալու միջոց է: Հայաստանն այն երկիրն է, որտեղ հաց գողացողին դատում են, իսկ միլիոններ գողացողին ուղարկում են Մալդիվներ հանգստանալու:

Newspress.am