Քեթրինի Միհրանը հիմա էլ աչք է տնկել Բուսաբանական այգու վրա՞
Վերջին տարիներին հաճախ է հաղորդագրություն տարածվում Բուսաբանական այգում բռնկված հրդեհների վերաբերյալ: Ըստ մեզ հասած լուրերի` վերջին տարիներին աչք են տնկել Երևանի բուսաբանական այգու կանաչ տարածքի վրա:
Հիշեցնենք, թե ինչպես են կարողանում սեփականացնել Հանրապետությունում որևէ մեկի սեփականությունը. կամ ոռոգման ջուր չեն տալիս, կամ տարածքի կանաչն այրում են: Ասենք, որ այս մեթոդները գործում են մինչև այժմ, ուղղակի մարդիկ կան, որ ոռոգման ջրի վրա ազդելու լծակներ ունեն, մյուսները պարզապես, բացի հանցագործությունից, այլ լծակ չունեն:
«Չորրորդ իշխանությունը» հակված է կասկածելու, որ հրդեհները պատահական չեն, այլ Քանաքեռ-Զեյթուն վարչական շրջանի Ռուբինյաց փողոցի 29/6 շենքում տեղակայված «Քեթրին գրուպ» ընկերության ձեռքբերումը, որն, ի դեպ, պատկանում է արդեն ԴԱՀԿ նախկին պետ Միհրան Պողոսյանին:
Հիշեցնենք, որ 2015թ. հրդեհի ժամանակ այրվել էր Բուսաբանական այգու 20 տոկոսը, և ի՞նչն էր զարմանալի՝ հրդեհը բռնկել էր ոչ թե կեսօրվա կիզիչ շոգի ժամանակ, այլ ուշ գիշերին:
Դեռևս 2000-ականներին Բուսաբանական այգու նախկին փոխտնօրեն, այժմ «Հայագրոէկոլոգների ասոցիացիայի» նախագահ Ավետ Հայրապետյանը Երևանի քաղաքապետարանից այգու տարածքում հյուրանոցային համալիր կառուցելու շինթույլտվություն էր ստացել, որը չեղարկվեց բարձրացած աղմուկից հետո:
Հավելենք, որ Բուսաբանական այգու պահպանության համար գրոշներ են տրամադրում և այնպիսին, ինչպիսին այգին էր խորհրդային շրջանում, առաջիկայում դժվար լինի՝ միայն ֆինանսավորման բացակայության պատճառով:
Կարող ենք հավելել, որ 5 հա վարձակալության տարածք քաղաքապետարանը շնորհելով Ավետ Հայրապետյանին՝ գնացել էր գործարքի, այժմ էլ գործին խառնվել է Միհրան Պողոսյանը:
Ինչպես երևում է, կանաչապատ Երևանը ոմանց «աչքը հանել է». ասում են՝ Բուսաբանական այգիները քաղաքներից դուրս են, և դա առիթ է, որ փորձեն կանաչ տարածքը հանձնել վարձակալության կամ վաճառել:
Հիշեցնենք, որ Բուսաբանական այգին ի վիճակի չէ պատշաճ կերպով իրականացնելու իր գործունեությունը՝ կապված անբավարար ֆինանսավորման հետ։
Այգու շուրջ 80 հա տարածքում շուրջօրյա պահպանությունը (պահակային ծառայության) գրեթե բացակայում է։ Պահպանությունն իրականացվում է ինստիտուտի ուժերով, որը խիստ անբավարար է։
Բուսաբանական այգու մոտ 5 կմ երկարությամբ (բետոնապատ և մետաղյա ճաղավանդակներով) պարիսպը և ցանկապատը (շուրջ 60 տարվա) պահանջում է հիմնանորոգում։ Ինստիտուտն իր ուժերով պարբերաբար կատարել է ընթացիկ վերանորոգում (հատվածային վնասված մասերում) և այսպես շարունակ:
Կարճ ասած՝ ամեն ինչ արվում է, որ Բուսաբանական այգին կարողանան բաժան-բաժան անել և վաճառել:
Թիմում մեծ մասը հրաժարվել է մանդատներից Նարեկ Կարապետյանի հայտարարությունից հետո. «Իրավունք»
Հայկական Վարդավառը՝ հունական Պոսեյդոնի ուղեկցությամբ. 199,5 մլն դրամ՝ տոնակատարության համար
Գումար չտաս՝ երեխայիդ «քթից կբերեն»․ ինչ է կատարվել Երևանի թիվ 134 դպրոցում. Ishkhanutyun.am
Ինչո՞ւ է Արայիկ Հարությունյանը հեռանում. Փաշինյանի պատասխանը նոր հարցեր է առաջացրել. «Ժողովուրդ»
Կտրուկ վատացել է Գագիկ Ծառուկյանի մոր առողջական վիճակը․ «Հրապարակ»
Մոսկվայի հայ համայնքը հանդես է գալիս նախաձեռնությամբ՝ հաջակցություն Գագիկ Ծառուկյանի
Բանտում թե ազատության մեջ՝ Ծառուկյանը միևնույն է երկրում և աշխարհում շատ ավելի մեծ հարգանք է վայելել...
Փաշինյանը որոշել է «ժերտվա տալ» մերձավորներին. «Հրապարակ»
Գագիկ Ծառուկյանը հայտարարություն է տարածել
Ի՞նչ է նշանակում` բաժնի ղեկավարին աշխատանքից ազատել «հաստիքի կրճատման» հիմքով. ո՞ւմ եք ապուշի տեղ դն...
