ՊԵԿ-ն սկսել է ամեն թփի տակ մաքսանենգ գտնել

Վերջին օրերին Պետական եկամուտների կոմիտեն որոշել է աշխատել: Գրեթե ամեն օր խախտումներ է հայտնաբերում, հետաքրքիր բացահայտումներ է կատարում անօրինական մթերքի մուտքի վերաբերյալ, այնպես որ` քիչ է մնում զարմանալ: 

Լավ, եթե այս օրերին է նման անօրինականությունները, ապա ի՞նչ է կատարվում: Կարո՞ղ է որոշել են նոր վարչապետի հետ մեկտեղ սկսել  անօրինական ներկրումները, որը քիչ է հավանական: Առավել տեսանելի է այն, որ ՊԵԿ նախագահը որոշել է իր աշխատանքը ցույց տալ:

Անգամ ՀՀ ԿԱ ՊԵԿ օպերատիվ հետախուզության վարչության 22-րդ բաժինն է սկսել աշխատել: Կարծ ասած՝ ՊԵԿ-ն աննախադեպ աշխատասիրություն է սկսել դրսևորել:

Դեռևս նոր վարչապետի նշանակումից հետո, խոսակցություններ էին պտտվում, որ Հովհաննես Հովսեփյանը հրաժեշտ կտա պաշտոնին. երևի նա էլ այլ ելք չի գտել պաշտոնում մնալու համար, բացի բացահայտումներ ցույց տալուց:

Ուղղակի հիմա էլ ՊԵԿ-ի աշխատասիրությունը չգնա հակառակ ուղղությամբ՝ տեղի-անտեղի սկսեն «բացահայտել» եղած-չեղածը: Եվ այն քաղաքացիները, որոնք փոքրիկ տոպրակներով սննդամթերք կամ այլ ապրանքներ են իրենց հետ բերում Հայաստան, հանկարծ չդառնան մաքսանենգներ, արդյունքում երկիրը լցվի մաքսանենգների հոծ բանակով, ու ՊԵԿ-ն ամեն թփի տակ պոտենցիալ մաքսանենգ գտնի:

Օրինակ՝ հետաքրքիր էր ՊԵԿ-ի այն բացահայտումը, որ Գյումրիի անօթևանի անունով մեծ քանակության սննդմաթերք է անօրինական ներկրվել: Իսկական դետեկտիվ:

Եթե չենք մոռացել՝ նորանշանակ վարչապետը Երևանի քաղաքապետի պաշտոնում նշանակվելուց ասաց, որ աշխատանքից դրայվ է ապրում: Ինչպես երևում է՝ քաղաքապետական, հիմա նաև վարչապետական դրայվից առաջինը վարակվել է Պետական եկամուտների կոմիտեն:

Մեկ դիտարկում ևս. լավ, վերջին ՊԵԿ բացահայտումները որտե՞ղ էին, երբ վարչապետ էր Հովիկ Աբրահամյանը: