Փլատակների վերածված մեգապոլիսը՝ Հալեպը. պատերազմի ողջ արհավիրքը՝ հուզիչ ֆոտոշարքում
Սեպտեմբերի 12-ից Սիրիայում փխրուն հրադադար հաստատվեց, սակայն խաղաղ բնակչության տանջանքերը միևնույն է շարունակվում են: Առավել ծանր մնում է պաշարված քաղաքների բնակիչների դրությունը:
Մանրամասները՝ Deutsche Welle-ի ֆոտոշարքում:
Հալեպի երեխաները
Միջազգային հանրության ուշադրությունը մինչև այժմ սևեռված է Հալեպին. ավերակների վերածված քաղաքը դարձել է Սիրիայի պատերազմի սարսափի խորհրդանիշը: Քաղաքի արևելյան՝ պաշարված հատվածի մարդկանց չի բավականացնում ջուրը, սնունդը, դեղորայքը: Շատերը մնացել են պարզապես առանց տանիքի: ՄԱԿ-ի տվյարներով՝ այժմ այնտեղ գտնվում է շուրջ 100 հազար երեխա:
600 000 մարդ գտնվում է պաշարված քաղաքներում
Հալեպից ոչ հեռու, ևս 18 քաղաք, ինչպես օրինակ Մադայան (լուսանկարում-խմբ.) և շրջան կտրված է մնում աշխարհից: ՄԱԿ-ի տվյալներով՝ այս տարածքներում է գտնվում շուրջ 600 հազար մարդ: Ընդ որում՝ առավել հաճախ քաղաքը բլոկադայի է ենթարկում Բաշար Ասադի զորքը: Այս շրջաններ հումանիտար օգնություն հասցնելը անհրաժեշտ է համաձայնեցնել երկրի կառավարության հետ:
Ընդդիմության վերջին հենակետը
2011 թվականին Դարայա քաղաքն այն բնակավայրերից էր, որտեղ տեղի ունեցան առաջին բողոքի ակցիաները՝ ընդդեմ Ասադի ռեժիմի: Մի քանի տարի Դարայան գտնվում էր ապստամբների հսկողության տակ. կառավարական զորքերը, որոնք շրջապատել էին քաղաքը, այնտեղ չէին թողնում հումանիտար օգնություն: 2016 թվականի օգոստոսին Ասադի զորքերը վերջապես կարողացան քաղաք մտնել, ինչը դարձավ ընդդիմության մեծագույն պարտություններից մեկը:
Արտակարգ դրություն հիվանդանոցներում
Սիրիայի հիվանդանոցներում գտնվող բժիշկներն այլևս ի վիճակի չեն բուժելու այցելուներին: «Մեզ մոտ այլևս չի մնացել ո′չ բինտ, ո′չ դեղորայք: Մենք նույնիսկ կույրաղիքի հեռացման վիրահատություն կամ կեսարյան հատում չենք կարողանում անել»,- ասել է «Բժիշկներ առանց սահմանների» հումանիտար կազմակերպության գերմանական բաժանմունքի ղեկավար Վոլքեր Վեսթերբարքին:
«Այնտեղ ոչ մի տեղ անվտանգ չէ»
Վեսթերբարքիի խոսքով՝ վերջին հինգ ամսում բոլոր ութ հիվանդանոցներն ու բուժկետերերը, որոնք բուժօգնություն են ցուցաբերում և որոնք տեղակայված են Հալեպի արևելյան հատվածում, վնասվել կամ փլուզվել են: Որոշ անհատ բժիշկներ շարունակում են օգնություն ցուցաբերել տուժածներին՝ վտանգելով սեփական կյանքը: «Այնտեղ ոչ մի տեղ անվտանգ չէ»,- ասում է բժիշկը:
Բաժանված քաղաքը
Առավել ծանր պայմաններում են գտնվում Հալեպ քաղաքի արևելյան հատվածի բնակիչները, որը վերահսկում են ապստամբները: Սիրիական ու ռուսական ավիացիայի ամենօրյա ռմբակոծությունների արդյունքում հազարավոր տներ փլուզվել են: Ավելի քան հարյուր մարդ զոհվեց միայն վերջերս:
Չի բավարարում ամենաանհրաժեշտը
Վերը նշված ամենից զատ, Հալեպում չի բավականացնում խմելու ջուրը, սնունդը և էլեկտրականությունը: Դա նաև վերաբերում է քաղաքի արևմտյան մասին, որը գտնվում է կառավարական ուժերի հսկողության տակ: Տեղացի բնակիչների տանջանքների մասին գրելը, սակայն, գրեթե անհնար է. լրագրողներին այստեղ շատ հազվադեպ են թույլ տալիս:
Դատարկ փողոցներ…
Վախենալով ռմբակոծության ենթարկվելուց՝ Հալեպի բնակիչները գրեթե դադարել են փողոցներ դուրս գալուց: Այդ մասին պատմել է տեղական ընդդիմադիր Hara FM ռադիոյի լրագրող Ջուդ ալ-Հատաիբը: «Խանութների մեծ մասը փակ է: Այստեղ նորմալ կյանք գրեթե չկա»,- ասել է լրագրողը: Երկու միլիոն բնակչություն ունեցող նախկին մեգապոլիսն այժմ համարվում է աշխարհի ամենավտանգավոր քաղաքներից մեկը:
«Ինչպես մեծ բանտում…»
Ուժի մեջ մտած հրադադարը սիրիացիներին շունչ քաշելու փոքրիկ հնարավորություն տվեց: Միևնույն ժամանակ պաշարված քաղաքների շատ բնակիչներ մինչ այժմ շարունակում են կտրված լինել աշխարհից և հումանիտար օգնությունից: Ֆրանսիացի քահանա Ֆիրաս Լուֆտին, ով զբաղվում է Սիրիա ջուր ու սնունդ մատակարարելով՝ ասել է. «Մարդիկ այստեղ ապրում են՝ ինչպես մեծ բանտում»:
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Քո հեռախոսն այսուհետ հսկվելու է պետության կողմից․ ահա թե ինչպես
Ընդդիմությունը մանդատների հարցով որոշում ունի. «Հրապարակ»
Արա, խփո՞ւմ ես մարդկանց. քաղաքապետարանում «մարտ առանց կանոնների» է (տեսանյութ)
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
Սամվել Կարապետյանին «աջակցող» կուսակցությունում հիմնադիրների փախուստ է. Միհրան Պողոսյանի ձախողումը. ...
