Ինչո՞ւ է Սևանի գործող քաղաքապետը ցլիկի հետ կախվել Կբոյի փողքերից

Հոկտեմբերի 2-ին Հանրապետության մի քանի համայնքում տեղի են ունենալու համայնքապետի և ավագանու ընտրություններ:

Նշենք, որ այս օրերին Սևանում ընթանում է նախընտրական թեժ մրցակցություն, և թեկնածուների միջև տեղի է ունենում նաև ոչ ուղղակի պայքար, հաճախ ընտրվում են ոչ կոռեկտ միջոցներ:

Սևանի քաղաքապետի համար պայքարում են գործող քաղաքապետ Ռուդիկ Ղուկասյանը՝ մականունը Ուդո, անհատ ձեռնարկատեր Արա Սմբատյանը, Սևան ազգային պարկի փոխտնօրեն Սարգիս Մուրադյանը:

Մամուլում միակողմանի տեղեկություններ էին հայտնվել՝ լրատվական դաշտին ոչ հարիր հոդվածի տեսքով, որտեղ փորձ էր արվում վարկաբեկել Սևանի քաղաքապետի թեկնածու Սարգիս Մուրադյանին:

Հոդվածում նշվում է, որ երիտասարդ թեկնածու Սարգիս Մուրադյանի կյանքի լուսավոր կետը Սևան Ազգային պարկի փոխտնօրենի պաշտոնն է, և Գեղարքունիքի մարզպետ Ռաֆիկ Գրիգորյանը ցանկանում է Սևանի քաղաքապետի պաշտոնում տեսնել հենց նրան: Խոսք կար նաև բենզին սրսկվողների մասին, և որ Սևանում վախի մթնոլորտ են ստեղծում նրանք և նրանց համակարգում է ոմն Կբո:

NEWSPRESS.am-ը հետևելով նախընտրական գործընթացներին՝ փորձեց պարզել տեղեկությունների իսկությունը:

Ըստ մեր տեղեկությունների՝ Սևանի գործող քաղաքապետ Ռուդիկ Ղուկասյանն այլևս չի վայելում սևանցիների վստահությունը, և քաղաքի բնակիչները կարծես թե փոփոխությունների ակնկալիք ունեն:

Ներկայացնենք թեկնածուներին:

Անհատ ձեռնարկատեր Արա Սմբատյանը երբևէ չի զբաղվել քաղաքականությամբ, թեև մեկ անգամ փորձ է արել:

Սևան ազգային պարկի փոխտնօրեն Սարգիս Մուրադյանը երիտասարդ է, Սևանի սոցիալ-տնտեսական զարգացման ծրագրեր ունի և վայելում է սևանցիների վստահությունը:

Գործող քաղաքապետ Ռուդիկ Ղուկասյանը կարծես թե ամբողջովին սպառել է իրեն, և սևանցիները, աջակցության փոխարեն, հաճախ են ենթարկվում սպառնալիքների:

Ինչ վերաբերում է Կբոյին, ապա հոդվածում նշվում է, որ բենզին սրսկվողները, Կբոյի գլխավորությամբ, ահաբեկում են Սևանի բանկիչներին: Մեզ հաջողվեց պարզել, որ Կբոն Սևանում հարգանք է վայելում, և Սևանում կա ընտրազանգված, որը նրա գլխավորությամբ կանգնած է Սարգիս Մուրադյանի կողքին և որի համար էլ Կբոն հայտնվել է գործող քաղաքապետի թիրախում. Ռ. Ղուկասյանն առիթը բաց չի թողնում վարկաբեկելու նրան:

Անգամ այսօր՝ Սևանի Վլադիմիր Կարապետյանի անվան հրապարակում տեղի ունեցած՝ գործող քաղաքապետի՝ սևանցիների հետ հանդիպման ժամանակ, Ռուդիկ Ղուկասյանը սպառնացել է ոչ թե թեկնածուներին, այլ անձամբ Կբոյին ու նրա ընտանիքին:

Մեր ունեցած տեղեկություններով՝ գործող քաղաքապետն ահաբեկում է նաև իրեն ոչ համակիր սևանցիներին:

Սևանում խոսում են, որ գործող քաղաքապետի ավագ որդին՝ Արտուշ Ղուկասյանը, թմրամիջոցներ է օգտագործում, Ռ. Ղուկասյանը կոպեկներով գնել ու ապա վերավաճառել է Սևանի խոշոր գործարանները, 4 տարի լինելով Սևանի քաղաքապետ՝ միայն վերջին երկու ամսում է բարեկարգման աշխատանքներ կատարել, այն էլ՝ կառավարության միջոցներով, որը վերագրում է իրեն:

Ի դեպ, այսօրվա հանդիպման ժամանակ Ռուդիկ Ղուկասյանը ցլիկ էր բերել հրապարակ՝ նախընտրական մորթի համար, սակայն, մեր տեղեկություններով, ցլիկը դեռևս ողջ է:

Սևանում հոկտեմբերի 2-ին քաղաքապետի ընտրություններ են, և սևանցիները սպասում են եռանդուն և գործունյա քաղաքապետի, ոչ թե սպառնալիքների և վարկաբեկող հոդվածների:

NEWSPRESS.am