Կարեն Կարապետյանը վաղը կհանդիպի EU-ASIA business finance centre հոլդինգի անդամների հետ

EU-ASIA business fiunance centre Հոլդինգ նախագահ Աշոտ Գրիգորյանը ժամանակին դիմել է այն ժամանակվա գործող վարչապետ Հովիկ Աբրահամյանին՝ բանակցելու առաջարկով՝ երկու կարևոր հարցի՝ «Նարիրտ» գործարանի վերաթողարկման համար անհրաժեշտ ներդրումային ծրագրի և Հայաստանի տնտեսության վերականգման ու զարգացման համար անհրաժեշտ ներդրումների շուրջ։ Ստորև ներկայացնում ենք նամակն ամբողջությամբ:

«Հարգելի վարչապետ,

«EU-ASIA business finance centre» Հոլդինգը պատրաստվում է ժամանալու Երևան և Ձեզ հետ բանակցելու Հայաստանի համար կենսական կարևոր երկու խնդիրների՝

ա/ «Նարիրտ» գործարանի վերաթողարկման համար անհրաժեշտ ներդրումային ծրագրի

և

բ/ Հայաստանի տնտեսության վերականգման ու զարգացման համար անհրաժեշտ ներդրումների շուրջ։

«Նաիրիտ»-ի վերաթողարկման ներդրումային ծրագրի իրականացման վրա պատրաստ են աշխատելու վերոհիշյալ Հոլդինգի անդամները․ «Energy Consult»/Սլովակիա/, «IntraPartnersManagment LLP» /Մեծ Բրիտանիա/, «IPM» /Սլովակիա/, «Chemro» /Սլովակիա/ և նրա մայր կազմակերպությունը՝ «РусГазИнжениринг» ընկերությունը/Ռուսաստան/, «Sunir» /Իրան/, «Ալդիմա» /Բուլղարիա/, «Chimremontstroy» /Բուլղարիա» և «Tradepetrol» /Սլովակիա/ և մի շարք այլ ընկերություններ։

Երկրորդ կետի շուրջ հայտնեմ, որ պատրաստվում է հատուկ կազմակերպություն՝ Համահայկական ներդրումային ֆոնդ, որի մի կողմում կլինեն վերոհիշյալ Հոլդինգի անդամները և «SAG»/Գերմանիա/, BEZ Transformator» /Սլովակիա/, «Elteco» /Սլովակիա/ ընկերությունները, իսկ մյուս կողմում նախատեսվում է ներգրավվել Հայաստանի կառավարությանը։ Ֆոնդի աշխատանքային ծրագրում ներգրավված են Հայաստանի տնտեսության կարևոր ոլորտները, որոնց շուրջ մեր հոլդինգը վարել է բանակցություններ անհրաժեշտ գործընկերների հետ։ Համառոտ ներկայացնում եմ այդ ծրագրի կարևորագույն կետերը․

— Իրան-Հայաստան-Եվրոպա գազատարի ֆինանսավորում և կառուցում /անհրաժեշտ լոբինգային աշխատանքները ԵՄ-ի, Ռուսաստանի և Բուլղարիայի հետ մեր կողմից սկսվել են և շարունակվում են/,

— Հյուսիս-Հարավ մայրուղու համար պակասող ֆինանսական ներդրումներ,

— Իրան-Հայաստան երկաթուղու ֆինասավորում և անհրաժեշտ լոբինգային աշխատանքների կազմակերպում / ավտոմագիստրալը և երկաթուղին հանդիսանալու են Եվրոպա-Ասիա «մետաքսե ուղու» այլընտրանքային նախագիծ, որը քննարկվել է Սլովակիայի կառավարության հետ/,

— Իրան-Հայաստան-Վրաստան բարձրավոլտ էլեկտրական նոր հոսանքագծի ֆինանսավորում,

— Լորի բերդ և այլ հիդրոկայանների կառուցում։

Մենք պատրաստ ենք քննարկելու նաև Ձեր կողմից ներկայացվող այլ ներդրումային առաջարկները։

Հարցերի քննարկման և հատկապես «Նաիրիտ»-ի հրատապ վերաթողարկման շուրջ ներդրումային ծրագիրը քննարկելու համար մեր պատվիրակությունը պատրաստ է ժամանել Երևան սեպտեմբերի 12ից-14-ի ժամանակահատվածում, որի համար հայցում ենք Ձեր պատրաստակամությունը։

Համաձայնության դեպքում սպասում ենք Ձեր պաշտոնական հրավերին պատվիրակության հետևյալ անդամների համար․

Աշոտ Գրիգորյան /Սլովակիա/,
Գարի Նեվիլլ /Մեծ Բրիտանիա/,
Ադրիան Վիչիտալ /Սլովակիա/,
Անդրեյ Անդրեև /Ռուսաստան/,
Դիմիտար Սոկոլով /Բուլղարիա/,
Բորիսլավ Լորինկով /Բուլղարիա/,
Յան Մարոնեկ /Սլովակիա/,
Յուրայ Պրոխասկա /Սլովակիա/,
Յուրայ Լեշկո /Սլովակիա/,
Մարոշ Կոնդրոտ /Սլովակիա/,
Միլան Ֆերենց /Սլովակիա/։

Այս նամակը, սակայն, արդեն նախկին վարչապետ Հովիկ Աբրահամյանի կողմից պատասխանի չի արժանացել: Նորանշանակ վարչապետ Կարեն Կարապետյանն արձագանքել է նամակին, և վաղը սպասվում է Հայաստան ժամանած պատվիրակության և վարչապետ Կարեն Կարապետյանի հանդիպումը: