«ՀԺ». Ծրագիրը կեղծեցին. պատգամավորները քվեարկեցին իրենց բացակա ընկերների օգտին
«Հայկական ժամանակ» թերթը գրում է.
«Կարեն Կարապետյանի կառավարության ծրագիրը երեկ ԱԺ-ում ընդունվեց կեղծիքներով։ ՀՀԿ-ական պատգամավորներ Ալեքսան Պետրոսյանը՝ ՄԱՊ-ի Ալիկը, Կարեն Սարիբեկյանն ու Հայկ Գրիգորյանը քվեարկեցին իրենց կողքը նստող գործընկերների փոխարեն։
Օրինակ. Սյունիքից Սուրիկ Խաչատրյանի ջանքերով պատգամավոր դարձած Հ. Գրիգորյանը քվեարկում էր Մհեր Սեդրակյանի փոխարեն։ Ու թեև ծրագիրը կարող էր ընդունվել նաև առանց կեղծիքների, քանի որ նիստերի դահլիճում բավարար թվով ոչ միայն ՀՀԿ-ականներ, այլև կոալիցիոն ՀՅԴ խմբակցության անդամներ կային, միևնույն Է, այս երեքը կեղծեցին նաև Կ, Կարապետյանի ծրագրի քվեարկությունը։
Նրանք դա անում էին ոչ այնքան բավարար քվեներ ապահովելու, որքան բացակա գործընկերների քվեարկությանը գրանցելու համար։
Ի դեպ, նրանք դա անելուց առաջ գաղտագողի նայում էին վեր, թե արդյոք լրագրողները կնկատե՞ն իրենց կեղծիքը։
Կառավարության ծրագիրն ընդունվեց 85 «կողմ». 7 «դեմ», 6 «ձեռնպահ» ձայներով։ Իրեն ընդդիմադիր հռչակած ՕԵԿ-ը «ձեռնպահ» քվեարկեց, իսկ ԲՀԿ-ն չմասնակցեց քվեարկությանը»:
Մանրամասները՝ թերթի այսօրվա համարում
