«ՀԺ». Սամվել Ալեքսանյանը 2 մլն դրամով նվազեցրել է պետբյուջե վճարվող հարկերը
«Հայկական ժամանակ» օրաթերթը գրում է.
«ԱԺ պատգամավոր, գործարար Սամվել Ալեքսանյանի (Լֆիկ Սամո) հետ կապված երեք խոշորագույն ընկերությունները այս տարվա առաջին 9 ամիսների ընթացքում նվազեցրել են պետբյուջե վճարվող հարկերը շուրջ երկու միլիարդ դրամով։
Խոսքը «Ալեքս Գրիդ», «Նատալի ֆարմ» ա «Ա և Գ» ընկերությունների մասին է։ Անցած տարվա առաջին 9 ամիսների ընթացքում՝ այս երեք ընկերությունները պետբյուջե էին վճարել ընդհանուր առմամբ 16.9 միլիարդ դրամի հարկ և տուրք, իսկ այս տարի միայն 14.9 միլիարդ։ Ուշագրավ է, որ նշված ընկերություններն այս ընթացքում ընդլայնել են իրենց գործունեությունը։ Օրինակ, օղիների կեղծմամբ զբաղվող «Ա և Գ»-ն այս տարի ահռելի քանակությամբ վիսկի է արտահանել։ Նշենք, որ Ալեքսանյանի ընկերությունների վճարած հարկերը տարեցտարի նվազում են, և դա տեղի է ունենում ստվերային տնտեսության դեմ պայքարի մասին հաճախակիացող ճառերին զուգընթաց»,- գրում է թերթը։
Մանրամասները՝ թերթի այսօրվա համարում։
