Պահանջված մասնագետ կամ հաջողակ բիզնես. որն է գրավականը

Եթե դու տիրապետում ես վաճառքի կամ իրացման արվեստին, ուրեմն դու պահանջված կլինես ցանկացած ոլորտում:

Ցանկացած ընկերությունում լավ բանակցողը կամ լավ վաճառքի մասնագետը միշտ սպասված կադր է, քանի որ եթե ընկերությունը չի կարողանում իրացնել իր ստեղծած ապրանքը կամ ծառայությունը, ուրեմն վաղ թե ուշ լուրջ խնդիրների առաջ է կանգնելու:

Իսկ վաճառքի լավ մասնագետ լինելու համար բավարար չէ ուղղակի զուտ իմանալ, թե ընկերությունը ինչ է առաջարկում, դրա համար պետք է ճիշտ ընտրել քո թիրախին, հասկանալ նրա պահանջմունքներն ու հետաքրքրությունները, որպեսզի կարողանաս դիպուկ մատուցել այն, ինչ առաջարկում ես: Իսկ սա հնարավոր չէ ուղղակի ապրանքի գովքն անելով: Առաջին նախապայմանը լավ բանակցող լինելն է, որ կարողանաս դիմացինին հանգեցնել քո ուզածին: Սա մասնագիտություն է, որ Հայաստանում դեռ լիարժեք ձևավորված ընկալում չունի, բայց տիրապետելը թույլ է տալիս անհամեմատ ավելի արդյունավետ դարձնել բիզնես վարելն ու գործնական կապերի հաստատումը: Ի վերջո, պատահական չէ, որ նույն առաջարկը ներկայացնող երկու մարդկանցից մեկը հաջողում է, իսկ մյուսը պարտված է դուրս գալիս պոտենցիալ սպառողի կամ գործընկերոջ հետ շփումից:
Արդյունքը կախված է՝քո որպես բանակցողի հմտություններից:

«Տիրապետիր բանակցելու արվեստին» պրատիկ ծրագիրն ուղղված է բանակցային հմտությունների փոխանցմանն ու զարգացմանը:

«Ծրագիրը նախաձեռնելով՝ նպատակ ունենք նպաստելու բանակցային մշակույթի զարգացմանը հայկական գործնական շփումներում: Քո ճիշտ կառուցված խոսքն ու շփումը կարող են կտրուկ փոխել բանակցությունների ելքը, օգնել նոր գործընկերների ձեռքբերմանը կամ լավ գաղափարների համար հովանավոր գտնելուն և ինչու չէ, եթե դու լավ բանակցող ես,ապա երբեք չես բողոքի, որ աշխատանք չկա»,- ասում է ծրագրի համակարգող Աստղիկ Խաչատրյանը:

Դասընթացը հատկապես ուղղված է այն մարդկանց, ովքեր ուզում են աշխատել կամ աշխատում են մարքեթինգի ոլորտում, ուզում են սկսել սեփական բիզնեսը կամ զարգացնել այն: Եվ առհասարակ դասընթացը առավել քան արդյունավետ կլինի մարդկանց համար, ովքեր ուզում են սովորել՝դիմացինին հանգեցնել իրենց ուզած արդյունքում և իրենց խոսքը դարձնել հաջողության գրավական:

Ծրագրի կարևոր առավելություններից է այն, որ լավագույնները ապահովվում են աշխատանքով:

Ծրագրին դիմելու և մանրամասների համար անցեք այս հղմամբ