Հովիկ Աբրահամյանի խոստացած նվերը՝ Կարեն Կարապետյանի ուսերին
Սահմանադրական բարեփոխումների հանրաքվեից մեկ շաբաթ առաջ Գյումրիի դրամատիկական թատրոնը նշեց հիմնադրման 150-ամյակը։ Հոբելյանական միջոցառմանը մասնակցում էր վարչապետ Հովիկ Աբրահամյանը, ով իր ելույթի ժամանակ նշեց, որ Վ․ Աճեմյանի անվան դրամատիկական թատրոնին պակասում է Վարդան Աճեմյանի արձանը ու պատրաստակամություն հայտնեց հովանավորել, որ դրամատիկականի մուտքի մոտ կանգնեցվի թատերարվեստում մեծ վաստակ ունեցող բեմադրիչի արձանը՝ նշելով նաև. «Այո, կանեմ, այո»։
Գյումրին «Այո» չասաց Սահմանադրական բարեփոխումներին, բայց Գյումրիի քաղաքապետարանը անցավ գործի։
Կազմվեց հանձնաժողով ու հայտարարվեց մրցույթ, որին կարող էին մասնակցել հանրապետության բոլոր քանդակագործները։ Վարդան Աճեմյանի կերպարը, սակայն, քանդակել ցանկացան ընդամենը 8 քանդակագործ։ Մարտ ամսին կայացած առաջին մրցույթին հանձնաժողովը հավանություն չտվեց ոչ մի էսքիզի։
Հայտարարվեց ևս երկու մրցույթ, բայց քանդակների Էսքիզների թիվը չավելացավ, միայն որոշակի շտկումներ կատարվեցին։
Սա մշակույթի նախարարության ներկայացուցիչը բացատրում է ոչ թե քանդակագործների քմահաճության հետևանք, այլ այն դժվարությամբ, որ կա տվյալ տարածքում։
Նշենք, որ Գյումրիի դրամատիկական թատրոնի շենքի դիմաց արդեն կան Ավետիք Իսահակյանի, Հովհաննես Շիրազի, Մհեր Մկրտչյանի արձանները, ու շատ արվեստագետների կարծիքով՝ ևս մեկ արձանը կարող է տարածքը վերածել պանթեոնի։ Հենց այս պատճառով հստակ տեղ այդպես էլ հնարավոր չէ գտնել:
«Աճեմյանը նստա՞ծ է լինելու է, թե՞ կանգնած, թատրոնի ներսո՞ւմ է դրվելու արձանը, թե՞ դրսում, լինելու է կիսանդրի՞, թե՞ մոդեռն ոճի, կարծիքները տարբեր են, իսկ առաջարկված էսքիզները՝ ոչ լիարժեք՝ խնդիրը լուծելու համար։ Քաղաքաշինական տեսակետից շատ բարդ է, ամեն էսկիզ իր դրական ու բացասական կողմերը»,- նշեց ՀՀ մշակույթի նախարարության ներկայացուցիչ Կարո Այվազյանը։
Հանձնաժողովի նիստերին մասնակցում էր նաև ժողովրդական արտիստ Վարդան Աճեմյանի թոռը՝ Վարդան Աճեմյանը, ով նույնպես առաջարկված էսկիզների մեջ չէր տեսնում ռեժիսոր, դերասան ու մարդ Աճեմյանին։
Անցկացված երրորդ մրցույթին էսքիզների թիվը պակասել էր, հանձնաժողովի անդամները որոշեցին ընտրել «չարյաց փոքրագույն», այսինքն՝ ընտրել ոչ թե լավագույնը, այլ առաջարկած տարբերակներից քիչ թե շատ հավանած տարբերակը։ 7 կողմ, 2 դեմ ձայնով ընտրվեց էսկքիզը, բայց մի պայմանով, որ նորից կատարվեն որոշ շտկումներ։
Մրցույթի հանձնաժողովի անդամ, Շիրակի մարզպետի խորհրդական Հասմիկ Կիրակոսյանի գնահատմամբ՝ այս կերպարում Աճեմյանը կարծես հենված լինի հայոց արվեստի վրա, զգեստի մասը նման է թատրոնի վարագույրի, կուլիսների: Այն դիրքով է նստած, որ ցանկացած պահի պատրաստ է կանգնելու: Չի նստել հանգստանալու համար, մտածելու համար է նստել:
Այս էսքիզը որոշվեց ուղարկել ՀՀ մշակույթի նախարարություն՝ վերջնական հավանության արժանացնելու։ Քանդակագործը Հարություն Կարապետյանն է։
Ի դեպ, մրցույթի բոլոր մասնակից քանդակագործների անունները հրապարակված չէին, այլ կոդավորված։ Քաղաքապետարանում այնքան լավ էին կոդավորել, որ վերջում կոդավորված ծրարներն անհետացել էին ու միայն երկար փնտրտուքից հետո պարզ դարձավ, թե ում հեղինակած արձանն է տեղադրվելու դրամատիկականի դիմաց։ Եթե, իհարկե, Կարեն Կարապետյանը կատարի նախկին վարչապետի խոստումներն ու ֆինանսավորի բոլոր ծախսերը։
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
