«Հրապարակ». Օսկանյանը բանակցում է նրանց հետ, ում «չեն վերցնում» ՀՀԿ

«Հրապարակ» թերթը գրում է.

«Վարդան Օսկանյանն օրերս ԱՄՆ-ում էր, ինչ առաքելությամբ` «Համախմբումից» չասացին, տեղեկացրին, որ երեկ վերադարձել է: Հարցին` Ծառուկյան-Օսկանյան հարաբերություններն ի՞նչ մակարդակում են, մեր աղբյուրն ասաց` նորմալ, սակայն արդեն մեկ տարի է, իրար չեն հանդիպել: Գրվեց, որ եթե Ծառուկյանի հետ չմիավորվեք, ընդհանրապես ընտրությունների չեք մասնակցելու։

«Աբսուրդ, նման հարց մեզանում չի քննարկվել, մենք Ծառուկյանի համար չէ, որ ստեղծվել ենք: Պետք է հասկանալ մի տրիվիալ ճշմարտություն. առաջիկա ընտրությունները ոչ այնքան կուսակցական, որքան ռեյտինգային քվեարկության արտահայտություն են: Ճիշտ է՝ «Համախմբումը» հանդիպում-բանակցում է մի շարք ուժերի` «Ժառանգության», Արթուր Բաղդասարյանի ՀՎԿ-ի հետ, սակայն մենք առավելաբար բանակցում-հանդիպում ենք ռեյտինգային-հայտնի անհատների հետ, որոնք հակված չեն, կամ նրանց «չեն վերցնում» ՀՀԿ-ի ցուցակով, և այլ ցուցակներում արտոնյալ դիրքում են ցանկանում լինել, մենք աշխատում ենք նրանց հետ:

Ինչ վերաբերում է ընդդիմադիր դաշինքների մասին ընթացող խոսակցություններին, դա ուղղակի միֆ է։ Ընդդիմադիր դաշտում դաշինքային տրամաբանությունը մեզանում երբեք չի աշխատել և չի էլ աշխատելու. երբ եկավ ցուցակը կազմելու պահը, իրար հետ չեն կարողանալու լեզու գտնել, առաջին պտուղները, ի դեմս Անուշ Սեդրակյանի, արդեն իսկ ակնառու են»,- արձանագրեց «Համախմբման» անդամը»:

Մանրամասները՝ թերթի այսօրվա համարում