ԱԺ պատգամավորները չեն խուսափի «երկնային աղետից»
«Ժողովուրդը» հաղորդում է, որ խորհրդարանի 10 ներկայացուցիչ վարձով է ապրում: Նրանց թվում են ՀՀԿ խմբակցության պատգամավոր Սուքիաս Ավետիսյանն ու «Բարգավաճ Հայաստան» խմբակցության անդամ Վահագն Մախսուդյանը:
Խորհրդարանի ներկայացուցիչներին, բացի աշխատավարձից, տրվում է ևս 100 հազար դրամ՝ Երևանի որևէ հատվածում բնակարան վարձակալելու համար, սակայն վարձակալում են, թե ոչ, հայտնի չէ։
Նշենք, որ Սուքիաս Ավետիսյանը, ըստ մամուլում շրջանառվող տեղեկությունների, ունի չորս տուն՝ Գյումրիում, Երևանում և Մոսկվայում։ Գյումրիում նա ունի 2 տուն, որոնցից մեկը գտնվում է «Անի» թաղամասում։ Սուքիաս Ավետիսյանն ունի երեք մարդատար ավտոմեքենա։
«Չար լեզուներն» ասում են, որ Ս․ Ավետիսյանը սովորություն ունի կիսատ-պռատ հայտարարագրելու իր ունեցվածքը, հին սովորույթ է ցույց չտալ ունեցվածքը, դե ամեն ինչ կարող է պատահել՝ ունեզրկվել, կիսել, ձեռքից տանել, անգամ այնքան աղքատ ձևանալ, որ ԱԺ-ն նրան ամիսը 100 հազար դրամ վճարի Երևանում բնակվելու համար, մեկ ամիս։
Տարբերության համար կարող ենք նկատել, որ Հայաստանում նվազագույն աշխատավարձը 55 հազար դրամ է, և այդքան ստացողների թիվը զգալի է աշխատավարձ ստացողների ցանկում, իսկ իշխանասեր պատգամավորի համար, ով վերջին ընտրություններում սատարել է ՕԵԿ-ական Հովհաննես Մարգարյանին, ԱԺ-ն շռայլորեն վարձատրում է բնակարանով։
Հայտնի է, որ պատգամավորները հակված չեն մասնակցելու ԱԺ նիստերին, իսկ Գյումրիից Երևան գալն այնքան դժվար է, և եթե հաշվի առնենք, որ նա Երևանում բնակարան ունի, ապա այս դեպքում գործում է «շնից մազ պոկելն էլ օգուտ է»։
Գուցե այդպես է Գալուստ Գրիգորիչը շնորհակալ լինում իշխանասեր և մշտապես իշխանանվեր Սուքիաս Ավետիսյանին։
Ինչ վերաբերում է ԲՀԿ-ական պատգամավոր Վահագն Մախսուդյանին, ապա կարող ենք մեկ պարզ եզրահանգում․ ԲՀԿ-ում աղքատներ չկան, կան հարուստներ և հարստացածներ։ Մախսուդյանի հայտարարագրած ունեցվածքը գերազանցում է 8 միլիոնը: «Չար լեզուներն» ասում են, որ նրա ունեցվածքը գրանցված է ազգականների և մտերիմների անունով, դարձյալ խեղճուկրակ երևալու համար։ Արդյունքը հիանալի է․ ԱԺ-ն նրան 100 հազար դրամ է տալիս բնակարան վարձակալելու համար, սակայն նա ԱԺ նիստերին հազվադեպ է մասնակցում, քննարկումներին՝ է′լ ավելի հազվադեպ։
Վահագն Մախսուդյանը հայտարարագրել է 3 շենք շինություն՝ 4413 7 քմ ընդհանուր մակերեսով Երևանում ու Գեղարքունիքի մարզում: Հայտարարագրել է նաև հողին ամրակցված գույք 120 քմ մակերեսով: Ունի 2 հողամաս՝ 3 75 հա տարածքով: Հայտարարագրել է 3 ավտոմեքենա՝ «Տոյոտա Լենդ Քրուիզեր», «ԳԱԶ 31 10» «ԻԺ 27 05»։ Եկամուտը՝ 5 մլն 251 հազ 520 դրամ, 3 մլն 401 հազ 520 դրամը՝ պատգամավորի աշխատավարձն է, մնացածը՝ շահաբաժին և եկամուտ գույքի օտարումից ստացված։
Ինչպես տեսնում ենք, այս պատգամավորը ևս բնակարան ունի Երևանում՝ ըստ հայտարարագրի։
Կարելի է պատկերացնել, որ այս երկու հարուստ պատգամավորները կարողացել են ԱԺ-ին խաբել և «քցել» ամիսը 100 000 դրամ։
Ինչպես սիրում է գեներալ Սեյրան Սարոյանն ասել՝ «Աստված կպատժի», բայց մինչև պատիժը՝ նրանք կթեթևացնեն ԱԺ բյուջեն։
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
