ԼՀԿ-ն և օգտագործում է Վանաձորի ավագանու իր լիազորությունները, և ուզում է հասնել աթոռին
Վանաձորում քաղաքական աթոռավազքը շարունակվում է: Մինչ «Լուսավոր Հայաստան» կուսակցության ղեկավար Էդմոն Մարուքյանը հայտարարում է, թե քաղաքապետը «զորբայությամբ փորձում է իր աթոռը պահել» ու փորձում է իր հռետորաբանությամբ համոզել, որ ԼՀԿ-ն պայքարում է հանուն արդարության՝ փաստերն այլ բան են հուշում:
ԼՀԿ ղեկավար կազմն արդեն հայտարարել է, որ մինչև 2017թ. հունվարի 10-ը կդիմի կառավարություն՝ քաղաքի ավագանին լուծարելու պահանջով: Կուսակցության ներկայացուցիչները հավանաբար հույս ունեն, որ նոր ավագանու կազմում իրենք առաջատար կլինեն: Ասել է թե՝ քաղաքի ղեկը կվերցնեն իրենց ձեռքը:
ԼՀԿ-ն լրջորեն ուզում է վստահեցնել վանաձորցիներին, որ իրենց կառավարման դեպքում քաղաքը կբարգավաճի: Միգուցե դա այդպես լինի, բայց…
Արդարության համար պետք է ասենք, որ գործող քաղաքապետ Մամիկոն Ասլանյանի գործունեության ընթացքում արդեն իսկ ակնհայտորեն որոշակի դրական տեղաշարժեր կան. մի քանի գործարարի հետ կնքվել են պայմանագրեր, որոնք Վանաձորում կլուծեն զբաղվածության խնդիր, կատարվել են քաղաքի բարեկարգման աշխատանքներ, վանաձորցիների հետ հանդիպման ժամանակ էլ՝ քաղաքապետ Ասլանյանն ընթացք է տվել վերջիններիս խնդիրների լուծմանը: Սա այն դեպքում, երբ ավագանու ընդդիմադիր անդամները բոյկոտում են ու անընդհատ տապալում նիստերը, որտեղ կարող էին քվեարկության դրվել քաղաքի համար շատ կարևոր հարցեր ու լուծում ստանալ: Բայց ամենազավեշտալին այն է, որ ԼՀԿ-ն հայտարարում է, թե բոյկոտի նպատակը՝ «4 դավաճանին» հայտնաբերելն է, ու նիստերին չի մասնակցում հենց նույն այդ «դավաճանի» հետ «սպայկա» լինելով… ասել է թե՝ «4 դավաճանները» հենց իրենց մեջ են…
Եվ որքան էլ փորձեն «ընդդիմադիր» ուժերը համոզել իրենց տեսակետն ու արդարացնել իրենց գործելաոճը, միևնույնն է՝ կա գործողությունների անտրամաբանական հաջորդականություն:
Մի կողմից՝ նրանք հայտարարում են, թե չեն աշխատելու այս ավագանու կազմում ու նիստի չեն գնում, մյուս կողմից՝ ակտիվորեն օգտվելով ավագանու լիազորություններից՝ իրենց դրսևորում են այլ ոլորտներում…
Այսպես՝ NEWSPRESS.am-ի հավաստի աղբյուրները տեղեկացնում են, որ որպես ավագանու անդամ՝ Քրիստ Մարուքյանի գլխավորած «շքախումբն» առանց նախազգուշացնելու հայտնվում է կրթական հաստատություներում՝ ստուգումներ իրականացնելու, կամ ինչպես իրենք են ներկայացնում՝ «ճանաչողական» այց կատարելու: Ամեն ինչ կարծես օրենքի սահմանում է. ի՞նչ է եղել՝ ավագանին ուզում է ծանոթանալ, սակայն հարկ է նկատել, որ այս շրջայցերը ցանկալի չեն մինչև իսկ այնքան, որ կրթական հաստատությունների աշխատակիցներն ահազանգել են մեր խմբագրություն ու հայտնել իրենց դժգոհությունները:
Մյուս կողմից էլ՝ այս ամենն անհասկանալի է. ի վերջո ուզո՞ւմ են աշխատել ԼՀԿ անդամներն այս ավագանու կազմով, թե՞ ոչ…
Եթե աշխատում են որպես ավագանի, ապա այս դեպքում ո՞ւմ դեմ են պայքարում, վանաձորցիների՞, քաղաքապետի՞, թե՞ ՀՀԿ-ի… Այս ֆոնին թերևս երևում է պայքարի մեկ այլ նպատակ. ասում են՝ ախորժակը ուտելիս է բացվում. ԼՀԿ անդամներին ավագանու լիազորությունները գայթակղել են, ուզում են հասնել ավելիին ու պայքարում է ո՛չ թե դեմ, այլ հանուն…
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
