Սամվել Ալեքսանյանը մենաշնորհային դիրք է զբաղեցնում նաև անձեռնմխելիության ու անպատժելիության դաշտում
Դեռ այս տարեսկզբին ՀՀ պետեկամուտների կոմիտեն հրապարակեց խոշոր հարկատուների ցուցակը, որտեղ Սամվել Ալեքսանյանը (Լֆիկը) իր 3՝ «Ալեքս Գրիգ», «Նատալի ֆարմ» և «Ա և Գ» ընկերություններով այնքան էլ աչքի չէր ընկնում: Այս վիճակագրությունն այսօր էլ շարունակվում է՝ Լֆիկ Սամոյի երեք ընկերության վճարած հարկերը մոտ 20 %-ով նվազել են: Ասել է թե՝ նա «աղքատանում» է: Սա այն դեպքում, երբ այս օլիգարխը ոչ միայն չի զիջում իր տեղը շուկայում և չունի մրցակիցներ, այլև օրեցօր նրա բիզնեսը ծաղկում ու ընդլայնվում է:
Գուցե Լֆիկ Սամոյի բիզնեսն այսքան աղմուկ չբարձրացներ ու «աչք չծակեր», եթե նրա հաշվարկները միայն կապված լինեին ժողովրդի քսակների հետ, ոչ թե շահարկվեր մարդկանց սոցիալական գործոնը:
Այսպես. դեռ մի քանի տարի առաջ Սամվել Ալեքսանյանն աշխատեցրեց մի մեխանիզմ, որի նպատակը մեկն էր՝ որքան շատ խաբել ու գումարներ կորզել ժողովրդից և մնալ անպատժելի:
Այն, որ Լֆիկին պատկանող «Երևան Սիթի» սուպերմարկետների ցանցում շատ հաճախ են հայտնվում ժամկետանց ու անորակ մթերքներ, շշալցված հեղուկներ՝ ապացուցված փաստ է (հիշենք, օրինակ, որդնած այլուրի կամ բլինչիկների պատմությունը), այդ գործով զբաղվել է անգամ Սննդի անվտանգության պետական ծառայությունը: Բայց քանի որ ներկրողների ու հարկատուների շրջանում Լֆիկ Սամոյի դիրքերը մենաշնորհային են, և նա համարվում է «անձեռնմխելի բիզնեսմեն», ուստի՝ որդերն ու թրթուռները շատ արագ ջրվեցին, իսկ «Երևան Սիթի»-ների ցանցն ու Լֆիկի «փառքը» մնացին:
Անպատժելիությունն այնքան բացեց նրա ախորժակը, որ գերշահույթ ստանալու նպատակով նա սկսեց համագործակցել «Ամերիա» և «Ինեկոբանկ» բանկերի հետ: Չունե՞ք փող, հոգ չէ, բանկերն առաջակում էին վարկային գծով քարտ՝ արտոնյալ պայմաններով, որի միջոցով հնարավոր է կատարել անկանխիկ գնումներ, բայց միայն սուպերմարկետից: Ընդ որում՝ գործարքը կատարվում էր հենց «Սիթիների» կենտրոնում…
Բայց ախորժակից ախորժակ է բացվում… Ամանորյա «Shopping» ակցիաներ կատարելու համար Լֆիկը, իբր մտածելով իր գնորդների մասին՝ այժմ էլ գնորդներին անձնագրի դիմաց սկսեց տրամադրել 200 000 դրամ՝ հենց սուպերմարկետում՝ «Վերադարձրու գումարը և ստացիր անձնագիրդ» սկզբունքով: Գումարը թեև տոկոսով չէր, սակայն ամբողջությամբ պետք է ծախսվեր միայն սուպերմարկետի գնումների վրա:
Նույն սկզբունքով անձեռնմխելի օլիգարխին պատկանող «Նատալի Ֆարմ» դեղատների խոշոր ցանցն առաջարկում է ակցիա: Հայաստանում կեղծված դեղերի «մենաշնորհային» դիրք զբաղեցնող դեղատների գովազդային տեքստում հայտարարվում է, թե ««Նատալի ֆարմն» առաջարկում է աշխարհի ամենաորակյալ դեղերը …», բայց դա բոլորը չէ. 40 000 դրամի դեղ գնողներին առաջարկվում է նույնչափ գումարի սահմանում Լֆիկին պատկանող «Աստղիկ» բուժկենտրոնում անցնել անվճար բուժզննում… Այստեղ կարելի է վստահ հայտարարել, որ Լֆիկ Սամոն մտածում է իր գնորդների մասին, քանի որ չի բացառվում, որ 40 հազար դրամի կեղծված դեղ օգտագործելուց հետո, գնորդներն իսկապես բուժզննման կարիք զգան, եթե մինչ այդ նրանց որևէ բան չպատահի…
Այնպես որ՝ Սամվել Ալեքսանյանը մենաշնորհային դիրք է զբաղեցնում նաև անձեռնմխելիության ու անպատժելիության դաշտում: Ու պարզ չէ, թե դեռևս քանի վարչապետ ու կառավարություն է հարկավոր փոխել, որպեսզի Հայաստանում վերջապես վերանա անպատժելիությունն ու դրանից բխող քրեածին երևույթները:
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
