ՀՀԿ-ն ձեռքը գցել է ԲՀԿ-ի փրփուրներին

Գագիկ Ծառուկյանի վերադարձը տարբեր քննարկումների տեղիք տվեց։ Հանրության տարբեր շերտեր ունեն տարբեր մոտեցումներ՝ հիմնականում հասկանում են Ծառուկյանի վերադարձի պատճառը, սակայն իրականությունն ընդունելը Հայաստանում վարքականոնի ընդունված ձև չէ։

Սակայն, ի վերջո, ինչո՞ւ վերադարձավ Ծառուկյանը, երբ հրաժարվել էր ԲՀԿ-ից, երկրի առաջին դեմքից ստացել էր քաղաքական ստորացուցիչ ապտակ։

Ինչպես ասում են, քաղաքականության մեջ բոլոր միջոցներն ընդունելի են, եթե նպատակ կա։ Այնպես էլ այժմ, նախընտրական շրջանում ՀՀԿ-ն հասկացավ, որ առանց ԲՀԿ-ի հետ համագործակցության, ճշտում՝առանց Ծառուկյանի փողերի, չի բացառվում, որ առաջիկա ընտրությունները տապալվեն, անգամ եթե ՀՀԿ-ն որոշակի դիրքեր ունենալ, առանց ԲՀԿ-ի ունևոր աջակցության՝ ՀՀԿ-ին սպառնում է քաղաքական տապալում։

Կարճ ասած՝ ՀՀԿ-ն խուճապի մեջ է, նախ անորոշ ընտրությունները, քանի որ զգուշանում են, որ անգամ ամենակարող 5.000-ներն անգամ չեն օգնի, հասարակության տրամադրության փոփոխությունը երևանյան հուլիսյան իրադարձություններից հետո և այլն։

Ասում են, որ ՀՀԿ-ականներն ամենաշատը վախենում են հասարակական տրանսպորտով երթևեկելուց, քանի որ չի բացառվում Լինչի դատաստանի ենթարկվեն։ Այժմ ավելի քան պարզ է, թե ինչո՞ւ ՀՀԿ-ն մտածեց, որ չեղած տեղից ԲՀԿ-ն էլ միրգ է և կարելի է նախընտրական ախպերություն անել։

Այդ է պատճառը, որ Ծառուկյանին ՀՀԿ-ն դուրս քաշեց տատիկի գզրոցներից և նետեց քաղաքական դաշտ։ Ավելի քան պարզ է, որ ՀՀԿ-ում Ծառուկյանին չեն հարգում, դա պարզ երևաց նրա նկատմամբ վերաբերմունքից, երբ քաղաքականապես զգետնել էին։ Այժմ էլ հանուն Ծառուկյանի փողերի՝ սկսում են նախընտրական ներկայացում, իսկ Ծառուկյանը երբևէ հարց տվե՞լ է իրեն, թե ինչ տեղի կունենա, եթե վաղը դարձյալ իր կարիքը չզգացվի։

Այսօր ԲՀԿ-ն ՀՀԿ-ի համար գոնե փրփուր է, սակայն վաղն անհասկանալի է, թե ԲՀԿ-ն ինչի կվերածվի ՀՀԿ-ի համար, սակայն, որ խաղալիք է՝ միանշանակ։

NEWSPRESS.am