Հայ-հայ, հասե՜ք, Կարինե Պողոսյանը դուրս է եկել ՀՀԿ-ից
Հովիկ Աբրահամյանի ազգականուհի Կարինե Պողոսյանը դուրս է եկել ՀՀԿ-ից։ Այս խիստ կարևոր և իրադարձային լուրը տակնուվրա է արել հայ քաղաքական դաշտը։ Ամեն անկյունում հարցնում են, թե ի՞նչ է պատահել, ի՞նչ նոր գաղափարներ են ծնվել հարգարժան տիկնոջ գլխում, որ նա հրաժարվել է նժդեհյան գաղափարախոսությունից։ Գուցե ավելի կարևոր քաղաքական գաղափարախոսությամբ կուսակցության մե՞ջ է որոշել զբաղվել օրինաստեղծ աշխատանքով։ Չի բացառվում։
Նկատի ունենալով Կարինե Պողոսյանի բացառիկ աշխատասիրությունն Ազգային ժողովում՝ նրա ներկայացրած ծրագրերն ու նախագծերը, ակտիվությունը քննարկումներում, բացառիկ խելացիությունը, կարելի է ենթադրել միայն, որ տիկինն այնքան զբաղված է իր գաղափարները կյանքի կոչելով, որ չի էլ հիշում՝ որ կուսակցության մեջ է և ինչ նախագծեր է առաջարկելու ԱԺ-ի քննարկմանը։ Կարճ ասած՝ մտազբաղ և բազմազբաղ տիկինը դուրս է եկել ՀՀԿ-ից։
Ասում են՝ այս դարակազմիկ իրադարձության համար նա մամուլի ասուլիս է տալու, խոսելու է լրագրողների հետ՝ իր քաղաքական հայացքների մասին, անգամ հանդիպելու է արտասահմանյան դեսպանների հետ՝ բացատրելու իր ՀՀԿ-ից հրաժարականի պատճառները։
Ասում են՝ անգամ մի քանի երկրների ղեկավարներ անհանգստացած զանգահարել են տիկին Կարինե Պողոսյանին հարցնելու՝ հո բան չի՞ պատահել, որ նման քայլի է դիմել։
Ասում են՝ տիկինն իրեն ծանր է պահել և ոչինչ չի ասել, նա հավատարիմ է իր հարազատ մարզի սկզբունքներին և առաջնորդվում է՝ ինչպես Արարատի մարզը, այնպես էլ ես անորոշությամբ։
Ի դեպ, մեկ նկատառում. օրերս նա հայտարարել էր՝ ի լուր ամենքի, որ դուրս չի գալու ՀՀԿ-ից և իր մտահղացումների և գաղափարների ողջ փաթեթն անցկացնելու է ԱԺ, սակայն, չգիտես ինչու, նա շատ արագ մտափոխվել է, նույնիսկ չափազանց արագ և դուրս է եկել։ Գուցե տե՞ղ ունի գնալու, որ դուրս է եկել։ Ո՞վ գիտե…
Սպասենք և հուսանք, քանի որ, ըստ տարածված լուրերի, նա ասուլիս է տալու և աշխարհին ներկայացնելու է իր մշտական լռության, քաղաքական մտահամոզմունքների պատճառները։ Աշխարհն ուղղակի սպասում է Կարինե Պողոսյանի տեսությանը և ձայնը լսելուն։
Բայց ես չէի նկատել. Սամվել Կարապետյանի ոտքի սարքը անջատվել է․ ի՞նչ է կատարվել տնային կալանքի ժամանակ...
Իմ անձնական կարծիքն է՝ մանդատները պետք չէ վերցնել. Արփինե Հովհաննիսյան (տեսանյութ)
Կիրանցում ՔՊ-ն ստացել է 55,4 տոկոս, Բերքաբերում՝ 75.31 տոկոս, Ծաղկավանում՝ 81,5 ձայն
Նույն մահացու ինքնավստահությունը․․․
Երբ օդանավակայանում Ծառուկյանին ասել են, որ ինչ-որ բան պետք է ճշտեն՝ Ծառուկյանը պատասխանել է, որ որև...
Մանդատ վերցնելը ոչ թե կլինի ռացիոնալ որոշում, այլ ստորություն՝ ընդդիմությանը հավատացած ժողովրդի հանդ...
Ի՞նչ է սպասվում Հայաստանին մինչև տարեվերջ. Նաիրի Հոխիկյան
Ես պայքարի ցանկացած սցենարի պատրաստ եմ. Մամիկոն Ասլանյան (տեսանյութ)
Նախկին քպական Հովիկ Աղազարյանը զբաղված է, մեղմ ասած, անպարկեշտ բամբասանքով. Տոնոյան
ՀՀ–ն և Ադրբեջանը դեռ չեն ավարտել Ներքին Ոսկեպար գյուղի մոտ սահմանային ցանկապատի կառուցումը (լուսանկա...
