ԵՀՄՖ նախագահության հայտարարությունը՝ կապված Բելառուսի նախագահի կատարած ոչ բարեկամական քայլի հետ

ԵՀՄՖ-ի մամլո քարտուղարությունը հայտարարություն է տարածել, որում մասնավորապես ասված է.

«ԵՀՄՖ-ի նախագահությունը տալիս է իր խիստ բացասական գնահատականն Արցախ այցելած ռուս բլոգեր Լապշինի նկատմամբ բելառուսական իշխանությունների կողմից կատարած գործողությունների հետ։ Բելառուսի նախագահ Լուկաշենկոն հայտնի է իր անհավասարակշիռ վարքով և վայելում է անվստահելի գործընկերոջ համբավ Եվրոպայում։

Նրա, մեղմ ասած, տարօրինակ վարքը բազմիցս անհանգստացրել է նաև իր մեծագույն ռազմավարական ընկեր Ռուսաստանի իշխանություններին։ Միարժեք չի եղել նաև Լուկաշենկոյի վարքը ԵԱՏՄ-ի իր գործընկեր Հայաստանի նկատմամբ։ Սակայն այն, ինչ կատարեց այս անգամ այս հեղինակազրկված նախագահն իր բարեկամ երկրի՝ Հայաստանի հետ, միանշանակ կարելի է անվանել ոչ բարեկամական։

Ավելի քան տարօրինակ է նման դիվանագիտական սկանդալի գնալ ԵԱՏՄ-ին չանդամակցող երկրի՝ Արդրբեջանի նախագահի խնդրանքով։ Իր երկու գործընկերներին՝ Ռուսաստանին և Հայաստանին վիրավորելու գնով իրականացրած պարսվելի գործողության արդյունքում Լուկաշենկոն խայտառակեց իր երկիրը և հայտնվեց բարդ դիվանագիտական թնջուկի մեջ։ Կարծում ենք, որ և′ հայկական դիվանագիտությունը, և′ ռուսական իշխանությունները կտան արժանի պատիժ իրենց, այսպես կոչված գործընկերոջը։

ԵՀՄՖ-ն հատկապես, կարևորում է հայկական իշխանությունների կողմից կատարելիք քայլերը, քանզի Ադրբեջանի նախագահի գործողությունները դարձել են արդեն բացառիկ անհավասարակշիռ և վտանգ են սպառնում տարածաշրջանի անվտանգությանը։

ԵՀՄՖ-ն իր պաշտոնական բողոքը կհանձնի Բելառուսի դեսպանին՝ Բրատիսլավայում և կհայցի բավարար պատասխան կատարվածի վերբերյալ։

Եվրոպայի հայկական միությունների նախագահ

ԱՇՈՏ ԳՐԻԳՈՐՅԱՆ

09.02.2017

ԲՐԱՏԻՍԼԱՎԱ