Ծառուկյանը պատմեց, թե ինչպես է տաքսիստը «քշել իր վրա»

«Լրատվականները ուզեցին խառնել»: Այսօր ԲՀԿ 9-րդ համագումարի ժամանակ հայտարարեց ԲՀԿ նորընտիր նախագահ Գագիկ Ծառուկյանը: Նա ևս մեկ անգամ կրկնեց, թե այն ժամանակ չէր կարող իր ժողովրդին տանել արյունահեղության, թշնամին կհարձակվեր, բայց ինքը միշտ եղել է ժողովրդի կողքին և բարձր է պահել հայ ժողովրդի պատիվը:

Այժմ Ծառուկյանը գալիս է, որ, իր իսկ խոսքով, «ժողովրդի մատից փուշ հանի»:

Նա խոսեց նաև տնտեսական ծանր վիճակից, ՓՄՁ-ների խնդիրների, վարկերի բեռի, գյուղատնտեսության զարգացման, կարմիր գծերի մասին:

«Ես անգիր արած բառեր չեմ ասում: Ո՞վ կարող է ասել, որ այդպես չէ, սևին ո՞վ կարող է ասել սպիտակ: Մարդն արժանապատիվ պետք է ապրի, ամեն ընտանիք: Մեր առաջնային խնդիրն է, մենք պատրաստ ենք կարգավորել խնդիրները: Բանկերի խնդիրը: 650 հազար ընտանիք ունենք, 1 միլիոն 400 հազար վարկառու: Մարդիկ չեն կարողանում փակել վարկը, երկրորդն են վերցնում, որ տունը, ունեցվածքը չվերցնեն ձեռքից»,- ասաց Ծառուկյանը:

Նա պատմեց, թե ինչպես է տաքսիստը «քշել իր վրա» ու արդարացել, թե ներվայնացած է տուգանքներից, կարմիր գծերից, խնդիրներից:

«Ես ժողովրդի համար պարտք ունեմ տալու, պաշտոնի, գումարի համար չեմ…»,- ասաց Ծառուկյանը: