Հայաստանում ո′չ կարող են, ո′չ էլ ցանկանում են պայքարել կոռուպցիայի դեմ
ՀՀ-ում ԱՄՆ-ի դեսպան Ռիչարդ Միլզը հայտարարել է՝ գոհ չեն Կոռուպցիոն խորհրդի աշխատանքների արդյունքից և այդ պատճառով ԱՄՆ ՄԶԳ-ի կողմից նախատեսված 750 հազար ֆինանսավորումից իրականացվել է միայն 2․5 տոկոսը։
Նա նաև հայտնել է, որ եթե չլինեն շոշափելի արդյունքներ, չի լինի նաև ֆինանսավորում:
Հիշեցնենք, որ Կոռուպցիայի դեմ պայքարի խորհուրդն ստեղծվել է 2015 թ. և այն գլխավորում էր նախկին վարչապետ Հովիկ Աբրահամյանը։
Նշենք, որ այս ընթացքում Կոռուպցիայի դեմ խորհուրդը պայքարել է կոռուպցիայի դեմ, սակայն ոչ թե ամերիկյան մեթոդներով, այլ՝ հայկական։ Ընդունել է մի շարք օրենսդրական ակտեր, փոփոխել է որոշ կետեր։ Կարճ ասած` սուր է ճոճել կոռուպցիայի դեմ։ Սակայն, չգիտես ինչու, այդ փոփոխություններից Հայաստանում ոչ կոռուպցիան է նավզել, ոչ էլ առավել ևս պայքարի մեթոդներն ազդել են ամերիկյան կողմի վրա։
Գաղտնիք չէ, որ Հայաստանում կոռուպցիան արտահայտվում է թե′ փողով, թե նվերներով, թե′ աշխատանքի տեղավորման, թե′ հարցեր լուծելու միջոցով։ Կոռուպցիան ոչ թե անկախության ծնունդ է, այլ սովետիզմի մնացուկ։ Դրա համար պարարտ հող կա․ նախ ցածր աշխատավարձերը մարդկանց ստիպում են գնալ այդ քայլին, հետո նաև ուղղակի սովորություն է։
Նշենք, որ Հայաստանում անգամ հավաքարար չես կարող աշխատել, եթե ծանոթներ չկան, և ինչ-որ մեկը չի միջնորդել։ Սա իհարկե ծիծաղելի է հնչում, սակայն փաստ է, և ծիծաղն արդեն ողբերգական է։
Հիշեցնենք նաև, որ ՀՀ Արդարադատության փոխնախարար Սուրեն Քրմոյանը, խոսելով Հայաստանում կոռուպցիայի շուրջ՝ նշել էր, որ այն բացասաբար է ազդում երկրի տնտեսության զարգացման վրա, նաև կանխում է տնտեսական առաջընթացը։
Հատկապես ընդգծել էր կոռուպցիան կրթության, առողջապահության, ոստիկանության և հարկային ոլորտներում։
Հայաստանի իրավաբանների հայկական ասոցիացիայի նախագահ Կարեն Զադոյանն էլ իր հերթին նշել է, որ կոռուպցիա կա 2 մակարդակում՝ հանրային սեկտորի մանր կոռուպցիա և քաղաքական կոռուպցիա:
Անդրադառնալով քաղաքական կոռուպցիայի դրսևորումներին՝ նշենք, որ վերջերս պատգամավոր Սեյրան Սարոյանը, պատասխանելով ՀՀԿ ռեյտինգային ցուցակով առաջադրվելու մասին հարցին՝ ասել էր. «Էսի խմբակային գործ ա, ես հո իմ գլխու չեմ, գնամ ասեմ՝ մի միլիոն մուծեմ, առաջադրվեմ»:
Կարճ ասած՝ կոռուցիան մեր առօրյայի մի մասն է, ո՞վ է մեղավոր կամ անմեղ՝ ԱՄՆ-ին չի հետաքրքրում. փաստն այն է, որ գոհ չէ, և սա մեղմ է ասված։
Հիշեցնենք, որ կոռուպցիայի դեմ պայքարի մասին խոսում Բժշկասոցիալական փորձաքննության գործակալության պետ Արմեն Սողոյանը, իսկ նրան ձերբակալեցին… կոռուպցիայի մեղադրանքով։
Հայաստանում կոռուպցիայի նկարագրի դասական օրինակ է. մեր երկրում նրանք են պայքարում կոռուպցիայի դեմ, ովքեր այս կամ այն կերպ թաթախված են դրա մեջ։ Եվ այս պարագայում ամերիկացիներին չեն կարող հայավարի հիմարացնել։
Այնպես որ՝ կոռուպցիան կա և′ հանրային սեկտորում, և′ քաղաքական դաշտում, և ակնհայտ է, որ որևէ մեկը չի պատրաստվում պայքարել դրա դեմ, քանզի ոչ ոք իր դեմ պայքարել չի կարող, իսկ ամերիկացիները պետք է հաշտվեն այս իրողության հետ։
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
