«ՀԺ». Արգամ Աբրահամյանի ընկերոջը ոստիկանություն են հրավիրել

«Հայկական ժամանակ» թերթը գրում է.

«Մեր տեղեկություններով, երեկ ՀՀ ոստիկանության Արարատի մարզային վարչության Արտաշատ քաղաքի բաժին է հրավիրվել Արտաշատի քաղաքապետ Արգամ Աբրահամյանի կողմնակիցներից Գեղամ Ավագյանը:

ՀՀ ոստիկանության տեղեկատվության և հասարակայնության հետ կապերի վարչությունից մեզ հետ զրույցում ասացին, որ քրեական գործի շրջանակներում է Գեղամ Ավագյանը հրավիրվել բաժին: «Հետը զրույց են ունեցել, և ազատ է արձակվել»,- փոխանցեցին ոստիկանությունից՝ չմանրամասնելով, թե ինչ գործի շրջանակներում է նա հրավիրվել ոստիկանություն:

Գեղամ Ավագյանից փորձեցինք ոստիկանություն հրավիրվելու մասին տեղեկություն ստանալ: Վերջինս նախ կտրականապես հերքեց, թե հրավիրվել է ոստիկանություն, սակայն ավելի ուշ հաստատեց: «Մեր տան հին գործերով են կանչել, 10 րոպեով մտել, հելել եմ: Ոչ մի ընտրական, ոչ մի բան»,- ասաց Գեղամ Ավագյանը՝ նշելով, որ Արգամ Աբրահամյանին չի ճանաչում: Լսելով հարցը՝ Արգամ Աբրահամյանին չեք էլ տեսե՞լ, նա պատասխանելու փոխարեն անջատեց հեռախոսը:

Հիշեցնենք, որ Արտաշատի քաղաքապետ Արգամ Աբրահամյանն «Ծառուկյան դաշինք»-ի համամասնական ցուցակի 9-րդ համարն է: Նախկին վարչապետի Հովիկ Աբրահամյանի տղան նաև ռեյտինգային ընտրակարգով է առաջադրվելու Արարատի մարզն ընդգրկող թիվ 5 ընտրատարածքում»:

Մանրամասները՝ թերթի այսօրվա համարում