Սկանդալային վիճաբանություն՝ Իրինա Հարությունյանի և պայծառատես Անի Գրիգորյանի միջև

Երգչուհի Իրինա Հարությունյանի և պայծառատես Անի Գրիգորյանի միջև սկանդալային վիճաբանություն է եղել: Այդ մասին NEWSPRESS.am-ին տեղեկացրել են Շենգավիթի ոստիկանության բաժանմունքի մեր աղբյուրները, ըստ որոնց՝ այս պահին կատարվում է հետաքննություն:

Պարզվում է՝ Իրինա Հարությունյանը, ով հայտնի է իր թողարկած մի քանի տեսահոլովակով, փորձել է շանտաժի միջոցով Անի Գրիգորյանից ստանալ 15 հազար ԱՄՆ դոլար:

Նշենք, որ երգչուհու հիմնական եկամուտը Jose Cafe-Club-Restaurant-ում ստացած իր հոնարարն է:

Մեր աղբյուրների փոխանցմամբ՝ գործին խառնված է նաև երրորդ անձը՝ Մերի Մակարյանը:

Մեր տեղեկություններով՝ այս 3 կանայք ժամանակին եղել են մտերիմներ: Ավելին՝ գյումրեցի երգչուհին ժամանակին դիմել է պայծառատեսին՝ կապված նրա ծառայությունների հետ: Այնուհետև վիճաբանություն է տեղի ունեցել Իրինայի և Անիի միջև: Սկզբում կարծես Մերին փորձել է հաշտարարի դեր կատարել, սակայն հետո անցել է երգչուհու կողմը:

Գործը հասել է նույնիսկ ծեծկռտուքի: Անի Գրիգորյանի տան մոտակայքում տեղադրված տեսախցիկները ֆիքսել են, թե ինչպես Իրինան՝ անհայտ անձանց հետ, կարմիր մեքենայով մոտենում Անիի տանը: Նրանց դիմավորում է Անիի մայրը, ումից էլ նրանք մի լավ հաշվեհարդար են տեսնում՝ հարվածելով նրան բռունցքներով:

Խնդրի շուրջ պարզաբանումներ ստանալու համար մեզ հաջողվեց կապ հաստատել կողմերից միայն Իրինա Հարությունյանի հետ: Նա մեզ հետ զրույցում պարզապես նշեց, որ վերոհիշյալ լուրերն իրականության հետ որևէ կապ չունեն, և հետևաբար, չի ցանկանում անդրադառնալ թեմային կամ մեկնաբանություններ տալ:

Հավելենք միայն, որ ՀՀ ոստիկանության Շենգավիթի քննչական բաժնի քարտուղարությունից մեզ ասացին, որ գործի վերաբերյալ տվյալներ չեն կարող տրամադրել, քանի որ գործը գտնվում է նախաքննական փուլում:

«Եթե ցանկանում եք տեղեկանալ գործի մանրամասներին, եկեք քննչական բաժին…»,- ասացին քննչական բաժնից: