Նարեկ Մալյանի «Զրոյական կետ» գիրքը դրվեց ընթերցողի սեղանին (լուսանկարներ)

Տեղի ունեցավ հանրային կապերի մասնագետ, ՀՀ ոստիկանապետի խորհրդական Նարեկ Մալյանի «Զրոյական կետ» գեղարվեստական վեպի շնորհանդեսը: Սա արդեն հեղինակի երկրորդ գիրքն է, որի շնորհանդեսին հրավիրված էին ինչպես քաղաքական գործիչներ, այնպես էլ արվեստագետներ:

ariana hovsepyan narek malyan 1

ariana hovsepyan narek malyan

Վեպի պատումն անդրադառնում է մարդկության պատմության ընթացքում կրոնական մոլեռանդության հիման վրա ձևավորված մահապարտ ահաբեկչության պատմությանը: Նարեկ Մալյանն իր գրքում զուգահեռներ է անցկացրել քրիստոնեական և մահմեդական աշխարհների պատմական դեպքերի միջև:

Գրքի մասին խոսելով՝ ՍԴՀԿ ատենապետ Նարեկ Գալստյանը նշեց, որ ինքը ոչ միայն պատիվ է ունեցել լինել գրքի սևագրի առաջին ընթերցողներից մեկը, այլև ականատեսն է եղել գրքի ամենակարևոր մասին` վերնագրի որոշման կայացմանը:

narek galstyan

«Երբ Նարեկի մոտ վերնագրի միտքը հղացավ, ես կողքին թեյ էի խմում և նայում, թե ինքն ինչպես միանգամից ընտրեց այն: Իսկ դրանից ամիսուկես անց Փարիզում՝ Նոտերդամի դիմաց, հանդիպեցի նրա «Զրոյական կետը» գրքերին: Անմիջապես նկարեցի և ուղարկեցի Նարեկին»,- ներկաներին պատմեց Նարեկ Գալստյանը:

narek malyan 1

Նա հույս հայտնեց, որ շուտով ականատես կլինեն նաև Մալյանի երրորդ գրքի ծնունդին: Գրքի հեղինակը շնորհակալություն հայտնելով ներկաներին՝ շնորհանդեսին մասնակցելու և բարեմաղթանքների համար՝ իր խոսքում նշեց, որ գիրքը գրելիս իր համար շատ կարևոր հայտնություն է արել:

«Շատ հետաքրքիր հայտնագործություն արեցի ինձ համար. պարզվեց, որ գիրք գրելը թիմային աշխատանք է: Անկեղծ եմ ասում՝ ես դա չգիտեի, որովհետև առաջին գիրքը գրելիս այդ մոտեցումով չեմ առաջնորդվել: Սա ինձ համար բացահայտում էր, և հասկացա, թե ինչու շատ գրքեր չեն գրվում Հայաստանում՝ թիմային աշխատանքի խնդիր ունենք»,- ասաց Նարեկ Մալյանը:

Շնորհանդեսի վերջում ներկաները հեղինակի մակագրությամբ ստացան «Զրոյական կետ»-ը:

narek malyan 2