«Ռեինկարնացիան» ՀՀԿ-ի սպիտակեղենն է լվանում
Խորհրդարանական ընտրությունների քարոզարշավի պաշտոնական մեկնարկի ժամանակ «Հանրապետական» կուսակցությունը ներկայացրել է «Ռեինկարնացիա» խմբի «Փոխենք աշխարհը» տեսահոլովակը:
Տեսահոլովակի նկարահանումներին մասնակցել է նաև վարչապետ Կարեն Կարապետյանը. ինչպես գիտենք՝ նա հրաշալի նվագում է հարվածային գործիքների վրա։
Ընդհանուր առմամբ, պետք է խոստովանել, որ ՀՀԿ-ի սիրո խոստովանությունը «Ռեինկարնացիայի» միջոցով ստացվել է, իհարկե, ՀՀԿ-ն մեղքերը չի քավել, դեռ ավելին։
Այնուհանդերձ, տեսահոլովակն ստացվել է, սակայն այստեղ կա մեկ բայց, այն նվիրված է ՀՀԿ-ի խորհրդարանական քարոզարշավին։
Եթե ՀՀԿ-ն չներկայացներ տեսահոլովակը, չէր բացառվում, որ այն մեծ ժողովրդականություն կվայելեր․ անգամ հաճելի է, որ Կարեն Կարապետյանը նվագում է, տեսահոլովակում հանրության կողմից սիրված և հարգված դեմքեր են, սակայն քարոզարշավի շրջանակներում՝ այն փորձում է ՀՀԿ-ին գերեզմանից դուրս քաշել։
Հիմնական հարցն այստեղ «Ռեինկարնացիա» խմբի մասնակցությունն է:
Հանրությունը մոտավորապես արձագանքել է՝ գոնե դուք չէ։ Չփորձենք արդարացնել «Ռեինկարնացիային», սակայն պետք է նկատի ունենալ, որ Հայաստանում որևէ մշակութային իրադարձություն չի կայանում առանց մշակութասեր տիկնանց թողտվության, այնպես որ՝ խումբը, երևի, այլ ելք չի էլ ունեցել։
Եթե Հանրապետությունում իրական հարցում ստացվի, ապա կարող ենք ասել, որ բացի մեծ ու փոքր պաշտոնյաներից, ՀՀԿ-ից կախվածներից, ՀՀԿ-ն ո′չ հարգանք ունի, ո′չ լսարան։ Այն 22․8 տոկոսը, որը ներկայացրել է Gallup International Association-ը, ՀՀԿ-ին փրփուրների մեջ չթողնելու անողջամիտ փորձ է։
Անգամ «Հաց բերողի»՝ Արթուր Սարգսյանի, նկատմամբ է կալանավորումը որպես խափանման միջոց վերացվել։
Ի՜նչ չեն անի հանուն ընտրությունների։ Հետո էլ ասում են, որ վարչական ռեսուրսները չեն օգտագործում, հետո էլ զարմանում են, որ մարդիկ իրենց խոսքին չեն հավատում՝ տառապանքը փորձ ունի, իսկ ինչ-որ արվում է՝ միայն գովազդի շրջանակներում է․
Արթուր Սարգսյանին հեշտությամբ կալանավորեցին, հեշտությամբ պահեցին, նույն հեշտությամբ էլ ընտրություններից առաջ բաց թողեցին։
Վերադառնանք տեսահոլովակին: Դեռ երկար կքննարկվի ՀՀԿ տեսահոլովակի հարցը՝ «Ռեինկարնացիան» կորցրե՞ց պատիվը, թե՞ ոչ, նկարահանվելով ՀՀԿ-ի տեսահոլովակում, իսկ Լևոն Արոնյո՞նը, Արթուր Աբրահա՞մը կամ էլ Հենրիխ Մխիթարյա՞նը։
Իհարկե, կան մարդիկ, ովքեր այնպես չեն զգում երկրի իրական վիճակը, ինչպես ՀՀ շարքային քաղաքացին, և եթե պետք լիներ շարքային քաղաքացուն օգտագործել տեսահոլովակում՝ դժվար կլիներ։ Իսկ մարդիկ, ովքեր բարեկեցության են հասել ոչ թե ապրելով ու աշխատելով ՀՀ-ում, նրանց մոլորեցնելն ավելի հեշտ է, իսկ «Ռեինկարնացիային»՝ դժվար։
Այս խումբը մեկ օր պետք է կարողանա իրոք վարվել իր անվանը համապատասխան․ հակառակ դեպքում՝ ինչքան էլ «Ռեինկարնացիային» սիրեն՝ ատելությունը ՀՀԿ-ի նկատմամբ ավելի կատարյալ է, քան սերը «Ռեինկարնացիայի» նկատմամբ։
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
