Սլովակիան և Իրանը համատեղ օգնության ձեռք են մեկնում Հայաստանին

EU-Asia Business Finance Center Holding-ի նախագահ դոկտոր Աշոտ Գրիգորյանի Սլովակիայի կառավարության փոխվարչապետ Պիտեր Պելեգրինի, ֆինանսների նախարար Պիտեր Կաժեմիրի և էկոնոմիկայի նախարար Պիտեր Ռիգարի հետ միասին կատարեցին կարևորագույն այց Իրան, որտեղ քննարկվեցին Իրանի հետ համագործակցության կարևորագույն խնդիրներ, որոնց մեծ մասը կապված են նաև Հայաստանի հետ:

Իրան-Սլովակիա միջպետական հանդիպումներից սա ամենակարևորն էր: Մինչ հանդիպման մանրամասներին անցնելը ներկայացնենք Սլովակիայի տնտեսության այսօրվա ֆենոմենը: Սլովակիան և Հայաստանն ունեցել են երբեմնի հզոր արդյունաբերություն, որը հեղափոխության արդյունքում կասեցվել է, սակայն ի տարբերություն Հայաստանի՝ Սլովակիան կարողացավ քսան տարվա ընթացքում ոչ միայն վերականգնել իր երբեմնի արտադրական հզորությունը, այլև ունենալ անհավատալի զարգացումներ. այսօր Սլովակիայի արտահանումը հասնում է մոտ 100 մլրդ եվրո տարեկան ցուցանիշի: Սլովակիայի արտահանման ծավալը ՀՆԱ-ի վրա բաժանելու գործակիցն աշխարհում առաջինն է, այսինքն՝ ՀՆԱ-ի արտահանման մասով գրավում է առաջին տեղը:

Ներկայացնենք Իրանի կառավարության հետ տեղի ունեցած բանակցությունների Հայաստանին առնչվող մասը:

Հոլդինգի նախագահ դոկտոր Աշոտ Գրիգորյանը ներկայացրեց Հայաստանի կառավարության հետ ունեցած և վարչապետի հետ քննարկած ծրագրերի Իրանին հարող խնդիրները, այն է Իրան-Հայաստան գազատարով Եվրոպա գազի վաճառքի և «Նոր մետաքսի ուղի» ճանապարհի հետ կապված հարցերը:

Արդյունքը սպասվածից ավելին էր, Իրանի ներկայացուցիչները ոգևորությամբ ընդունեցին երկու առաջարկներն էլ: Նույնիսկ իրանական կողմն առաջարկեց գազի մատակարարումը կազմակերպել՝ ներառելով դրա մեջ նաև Թուրքմենստանին:

Հոլդինգն իր վրա վերցրեց Թուրքմենստան-Իրան-Հայաստան գազը Եվրոպա SWAP վաճառքի խնդիրը, որի համար Հոլդինգի նախագահ դոկտոր Գրիգորյանն անմիջապես բանակցություններ նշանակեց Մոսկվայում «Գազպրոմ» ընկերության ղեկավարության հետ: Սա այն կարևոր խնդիրներից մեկն էր, որը Հոլդինգը ներկայացրել էր Հայաստանի վարչապետին հոկտեմբերյան այցի ընթացքում:

Հայաստանի համար կենսական նշանակության, կարևոր հաջորդ խնդրի՝ «Հյուսիս-Հարավ» մայրուղու կառուցապատման, ֆինանսավորման շուրջ Հոլդինգի նախագահը քննարկեց իրանական կողմի հետ և պայմանավորվեցին իրանական կողմի բանկային երաշխիքների դիմաց ֆինանսավորելու մի շարք հատվածներ:

Ձեռք բերվեց նաև համաձայնություն «Նաիրիտ-ԵՄ» կոնսորցիումին Նաիրիտի վերականգնման դեպքում գազ մատակարարելու հարցը:

Զարմանալիորեն իրանական կառավարությունը Հայաստանին հարող խնդիրների շուրջ շատ ավելի մեծ ակտիվություն և արհեստավարժ մոտեցում է ցույց տալիս, քան ինքը Հայաստանը: Իրանական խոշորագույն շատ ընկերությունների ղեկավարներ չեն կարողանում ընկալել հատկապես Հայաստանի արդյունաբերության հսկա Նաիրիտի շուրջ կառավարության դիրքորոշումը:

Կարծում ենք զարմանալի չէ, որ նման դիրքորոշման պայմաններում Հայաստանի տնտեսությունը դադարել է գործել: Համեմատեք վերը բերված արտահանման ցուցանիշները՝ Սլովակիայի շուրջ 100 մլրդ եվրո ծավալը, Հայաստանի արտահանման ծիծաղաշարժ ծավալների հետ և կհասկանաք, որ ոչ արհեստավարժ կառավարության և ներքին քաղաքական հարցերով զբաղվող վարչապետի պայմաններում մեր երկրի տնտեսությունը նման ողբալի վիճակում պետք է լիներ:

Ամեն դեպքում Հոլդինգը շարունակելու է իր հզոր ներդրումային քաղաքա-կանությունը պարտադրել Հայաստանի նախագահին և վարչապետին, քանզի դրա շնորհիվ մեր երկրի բնակչության կենսամակարդակը կարող է մի քանի անգամ բարձրանալ:

ԵՀՄՖ-ի նախագահություն
ԵՀՄՖ-ի մամլո քարտուղարություն

10.03.2017
Բրատիսլավա, Սլովակիա