Անիրավությունների գագաթը հանդիսացավ Հաց բերողի մահվան դեպքը. ԵՀՄՖ-ն դատապարտում է
ԵՀՄՖ-ի նախագահությունը խստիվ դատապարտում է Հայաստանում սկսված նախընտրական պայքարի ընթացքում տեղի ունեցող գործընթացները:
Եվրոպայի հայությունը հետևում է վայրագության հասնող և թույլատրելի բոլոր սահմաններն անցած այսպես կոչված ընտրապայքարի ձևերին: Հատկապես ցանկանում ենք շատ կտրուկ արձագանքել ընդդիմության հայտնի գործիչների և քաղաքական բանտարկյալների դեմ իշխանությունների կատարած քայլերին: Անիրավությունների գագաթը հանդիսացավ հայտնի հասարակական գործիչ «ՀԱՑ ԲԵՐՈՂ»-ի՝ Արթուր Սարգսյանի անժամանակ մահվան դեպքը: Այդ երիտասարդը դարձել էր մարդասիրության և ազատատենչության սիմվոլ և նրա նկատմամբ իշխանությունների անմարդկային վերաբերմունքն արժանացել է ողջ հայության ցասմանը:
Կեղծիքով և ստով նախագահական աթոռը զավթած ՀՀ նախագահ Սերժ Սարգսյանը և նրա մանկլավիկ վարչապետ Կարեն Կարապետյանն անձամբ են պատասխանատու և գրանցված ահասարսուռ մահվան դեպքի և ոչ քաղաքակիրթ ձևով ընթացող նախընտրական գործընթացների համար:
Կասկած չի հարուցում, որ Հայաստանի և արտերկրի հայությունը տալու է արժանի հակահարված ցինիզմի բոլոր սահմանները անցած ՀՀԿ-ական իշխանություններին: Կասկած չի հարուցում նաև այն, որ ողջ արտերկրի հայությունը սատարելու է երկիրը կործանման հասցրած այս ռեժիմի դեմ պայքարող բոլոր ընդիմադիր ուժերին: Կարծում ենք, որ իշխանափոխության համար պայքարի ելած բոլոր ընդդիմադիր կուսակցություններն ու հասարակական կազմակերպությունները պիտի համախմբվեն համահայկական ճակատի ներքո և պահանջեն իշխանության առաջնորդների հրաժարականը:
Արտերկրի հայությունը հսկելու է, լուսաբանելու է և ողջ աշխարհին ներկայացնելու է ընտրարշավի իրական պատկերը՝ ներկայացնելով բոլոր այն ընտրակեղծիքները, որոնք ավանդաբար կրկնվել են Սերժ Սարգսյանի կողմից կազմակերպված բոլոր նախորդ ընտրություններում և հավանաբար փորձվելու են դրանք կրկնվել նաև այս վերջին, մեր ազգի համար չափազանց կարևոր ընտրությունների ընթացքում: Մեր կողմից և նախընտրական գործընթացները և բուն ընտրությունը լուսաբանվելու է և անաչառ ներկայացվելու է եվրոպական և համաշխարհային մամուլում, նաև պատկան միջազգային կազմակերպություններին:
Եվս մեկ անգամ հայտարարում ենք, որ մեր երկրի ապագան բոլոր առողջ ընդդիմադիր ուժերի միավորումն է այս վարչակազմի դեմ՝ երկրի արդյունաբերությունը, տնտեսությունը և արտաքին դիվանագիտությունը ամենացածր մակարդակի իջեցրած իշխանություններից ազատվելու համար:
ԵՀՄՖ-ի նախագահություն
ԵՀՄՖ-ի մամլո քարտուղարություն
17.03.2017
Բրատիսլավա, Սլովակիա
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Հայաստանի ընտրությունները չեն կարող համարվել օրինական. Դմիտրի Մեդվեդև
Երևանում հնչել են կրակոցներ․ կա վիրավոր
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
Արթուր Դավթյանի մայրը «լայքում է» Լևոն Քոչարյանին (լուսանկար)
Եթե մանդատները չեն վերցնում` ԱԺ ձևավորվում է. Արփինե Հովհաննիսյան
Ահազանգ. «Բոյով» մականունով թաղային հեղինակությունը ահաբեկում է քաղաքացիներին
