Քննությունն ընթացել է միակողմանի, բազմաթիվ խախտումներով. Արիանա Հովսեփյանի դիմումը՝ Արթուր Դավթյանին

ՀՀ ԳԼԽԱՎՈՐ ԴԱՏԱԽԱԶ
ՊԱՐՈՆ Ա.ԴԱՎԹՅԱՆԻՆ

Արմենուհի /Արիանա/ Լյովիկի Հովսեփյանից
ք.Երևան, Աբովյան փող., 34ա շ., 29 բն.
Հեռ.՝ 077.16-00-00

ԴԻՄՈՒՄ

Հարգելի Պարոն Դավթյան.

Ձեզ հասցեագրված իմ բազմաթիվ դիմումներից հետո, վերջապես 17.03.2017 թ -ին հրավիրվել եմ Երևան քաղաքի դատախազություն, որտեղ ինձ դիմավորեց դատախազ Քարամյանը: Այնուհետև մեզ միացան ՀՀ Երևան քաղաքի դատախազի տեղակալը, ինչպես նաև Երևան քաղաքի դատախազ պարոն Ասլանյանը, չնայած նրան, որ հաշվի առնելով իմ կողմից բարձրացված հարցերի կարևորությունը, ես խնդրել էի հանդիպում ՀՀ Գլխավոր դատախազ Ա.Դավթյանի հետ:

Վերջիններս մեծ հետաքրքրությամբ և ուշադրությամբ լսեցին իմ կողմից բարձրացված հարցերը, որոնք վերաբերում էին Նարեկ Երիցյանի, Մարտուն Շուշանյանի, ինչպես նաև իմ վերաբերյալ հարուցված քրեական գործերին: Այդ գործերով հայտնաբերված խախտումների վերաբերյալ վերլուծական զրույցի ընթացքում տվեցին խուսափողական և լողացող պատասխաններ՝ չիմանալով ինչ պատասխանել իմ կողմից բարձրացված հարցերին, սակայն ողջունեցին իմ մտադրությունը հայտնաբերված խախտումների վերաբերյալ համապատասխան հայտարարություն անելուն:

Զարմանալի է այն հանգամանքը, թե ինչու դատախազությունն ինքը, իր նախաձեռնությամբ հետամուտ չի լինում կատարված խախտումների վերաբերյալ համապատասխան միջոցներ ձեռնարկելուն:

Մասնավորապես խոսակցությունը գնում էր Նարեկ Երիցյանի վերաբերյալ քննված քրեական գործով բացահայտված կեղծ վիզաների, շորթումների կամ խարդախությունների վերաբերյալ: Խոսակցության թեմա էր նաև Նարեկ Երիցյանի գործով դատաքննության ընթացքում մեղադրող Տ.Ենոքյանի կողմից մեղադրանքից ամեն կերպ հրաժարվելու գործողությունները:

Հարց է առաջանում, թե ինչու Գլխավոր դատախազությունը բողոք չի ներկայացնում Նարեկ Երիցյանի վերաբերյալ կայացված անհիմն արդարացման դատավճռի վերաբերյալ:

Իմ կարծիքով՝ քրեական գործերով նախաքննական մարմնի կողմից կատարվել է անբավարար քննություն, գործերի քննության ընթացքում դատախազական մարմինների կողմից իրականացվել է թերի հսկողություն, քննությունն իրականում ընթացել է միակողմանի, բազմաթիվ խախտումներով, որով խախտվել է օրենքի պահանջը՝ գործով բազմակողմանի, լրիվ և օբյեկտիվ քննություն իրականացնելու մասին:

Իմ կողմից բարձրացված հարցերի կարևորությունից ելնելով, կրկին հրավիրում եմ ՀՀ Գլխավոր դատախազ Ա.Դավթյանի ուշադրությունը և հերթական անգամ խնդրում ընդունելություն:

Հարգանքներով՝

NEWSPRESS.am կայքի հիմնադիր,

Միջազգային IPI լրատվական կազմակերպության անդամ

Ա.Հովսեփյան
21.03.2017թ.