Տարոն Մարգարյանը խոսում է ու ոչինչ չի ասում
Ազգային ժողովի նախընտրական փուլում կուսակցությունների ներկայացուցիչները հանրության հետ հանդիպումների ժամանակ ներկայացնում են նաև իրենց կուսակցության ծրագրերը։ Անդրադառնանք ՀՀԿ նախընտրական ծրագիրը ներկայացնող՝ Երևանի քաղաքապետ Տարոն Մարգարյանին։
Իհարկե, կուսակցության գործիչները մեկ տարին չէ, որ իշխանությունում են և կուսակցությունում, սերտել են որոշակի բառաշերտ՝ պարզապես ելույթ ունենալու համար, մասնավորապես՝ մարդկանց հիմարացնելու, սակայն դա էլ է շնորհք։
Օրինակ՝ ՀՀԿ ցուցակով երկրորդ տեղը զբաղեցնող Տարոն Մարգարյանը, մասնավորապես, Էրեբունի վարչական շրջանում ՀՀԿ-ի քարոզարշավի ժամանակ հայտարարել է, որ թաղամասի բնակիչները միշտ եղել են Հանրապետական կուսակցության կողքին։
Նշենք, որ հատկապես էրեբունի համայնքը, եթե որևէ մեկի կողքին է եղել կամ կրնկի տակ, ապա դա եղել է Թոխմախի Մհերը, և եթե իշխանությունների աչքից այս պահին նա ընկել է, դա չի նշանակում, որ էրեբունցիները հիմա էլ վազելու են ՀՀԿ-ի կողքը կանգնեն։ Պարզապես այս թաղամասի բնակիչներն այլ ելք չունեին, քան ենթարկվել Թոխմախի Մհերի կանոնակարգերին։ Եթե Տարոն Մարգարյանը կարծում է, որ կարող է փոխարինել Թոխմախի Մհերին, ապա սխալվում է։ Իսկ «մեր կողքին եք» արտահայտությունն այնքան կրկնվող է ընտրությունների ժամանակ, որ ո′չ ասողն է դրան հավատում, ո′չ էլ առավել ևս լսողը։
Ինչ վերաբերում է ՀՀԿ ծրագրին, ապա Տարոն Մարգարյանը հիշեցրել է, որ ՀՀԿ-ն խոստումներ չի տալիս։ Ի միջի այլոց, ՀՀԿ-ի տված խոստումները չեն իրականանում, և այս տարի որոշել են այլևս խոստումներ չտալ՝ միևնույնն է ընտրվում են, էլ խոստումս ո՞րն է, հետո մամուլում հիշեցնում են խոստումների մասին, բայց դե թքած ունեն, սակայն մի տեսակ տհաճ է ՀՀԿ-ականների համար։
ՀՀԿ-ի իշխանության տարիներից մնացել են նույն կիսաքանդ ճանապարհները, նույն ծանրաբեռնված տրանսպորտը, կիսախարխուլ շենքերը, մարդիկ բնակվում են աղբավայրերի հարևանությամբ, բազմաբնակարան շենքերում կան չլուծված հիմնախնդիրներ և այլն։
Իսկ այն, որ, ըստ Տարոն Մարգարյանի, երկրի խնդիրները կապված են անվտանգության, առաջընթացի և զարգացման հետ, նորություն չէ, սակայն ոչինչ չասող բառեր են։ Երկրի անվտանգությունն ապահովում է բանակը, որի վերաբերյալ որոշ նկատառումներից ելնելով՝ ոչինչ չենք ասում, իսկ առաջընթացի և զարգացման համար բավական է, որ քաղաքապետարանի պատուհանից Տարոն Մարգարյանը պարզապես դուրս նայի և տեսնի, որ առաջիկայում այսպես շարունակելով չաշխատել՝ ո′չ առաջընթաց կլինի, ո′չ զարգացում։ Խոսքեր, որոնք եղած կամ չեղած նույն հաշիվն են։
Իսկ այն, որ ՀՀԿ-ն աշխատանքով է առաջնորդվում, պարզապես լուրջ կատակ է արել Տարոն Մարգարյանը: Ի դեպ, ասում են հումորի զգացումը նրա մոտ պակասում է։ Այս տարիներին, եթե իշխանական օղակներում զբաղված են եղել, ապա բացառապես ոչինչ չանելով։
«Մեր կառավարման թիմը շատ լավ տեսնում է մեր կողմից նախանշված ծրագրերի իրականացման տեսլականը: Իսկ այսօրվա մեր կառավարության ծրագրերը տեսանելի են և հստակ: Մենք համոզված ենք, որ միասին ենք կառուցելու մեր երկիրը»։ Սրանք Տարոն Մարգարյանի խոսքերն են։ Որևէ երկրում նման ձևակերպումներ անելով՝ պատգամավորության թեկնածուն հանգիստ կարող էր լքել քարոզարշավը: Պարզ երևում է, որ նա ոչինչ չունի հանրությանն ասելու, հանրությունն էլ նրանից այլևս ոչինչ չի սպասում։
Նրա խոսքերում անընդհատ շեշտվում է, որ որ ՀՀԿ-ն պատրաստ է իր վրա վերցնել մեր երազած Հայաստանը կառուցելու պատասխանատվությունը։
Իսկ կառուցած Հայաստանը ճարտարապետական շենքերի ոչնչացումն է, որի փոխարեն հայ օլիգարխիան կառուցեց իր երազած էլիտար բնակարանները՝ մարդկանց թողնելով անտուն-անտանիք․ ահա Արամի, Բյուզանդի, Ֆիրդուսու փողոցի բնակիչները նման ապագա էին երազում՝ մնալ անտուն։ Իսկ եթե ՀՀԿ-ն մի օր ասի, որ Կենտրոնի անտուն մնացած բնակիչների պատասխանատուն մենք ենք, ի՞նչ է փոխվելու դրանից։ Մարդկանց մի մասը մահացել է՝ չդիմանալով տան կորստին, մի մասն արտագաղթել է՝ հայրենիքում տան կորստի պատճառով, այնպես որ՝ չքմեղանալը ՀՀԿ-ին ոչ մի օգուտ չի տա, միևնույն է պատասխանատվություն չկա։
Ի դեպ, ՀՀԿ-ին բնորոշ մեկ օրինակ. վերջերս «Պառլամենտ մոնիթորինգ»-ը ներկայացրել է իր ուսումնասիրության արդյունքները, և ահա, ՀՀԿ-ն մինչև 2013-ը սկզբունքորեն դեմ էր ՀՀ-ում խորհրդարանական կառավարման անցնելուն՝ հայտարարելով, որ տարածաշրջանային սրված մարտահրավերների պայմաններում կարող է այն հանգեցնել ցնցումների և ապակայունացման, իսկ հետո ՀՀԿ-ն սկսեց խորհրդարանական կառավարման համակարգին անցնելը դիտարկել որպես այդ նույն մարտահրավերներին դիմակայելու լավագույն և ամենաարդյունավետ միջոց:
Միևնույնն է, ինչ էլ այսօր ասի Տարոն Մարգարյանը, եթե պետք է՝ վաղը կարող է հակառակը պնդել։
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Հայաստանի ընտրությունները չեն կարող համարվել օրինական. Դմիտրի Մեդվեդև
Երևանում հնչել են կրակոցներ․ կա վիրավոր
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
Արթուր Դավթյանի մայրը «լայքում է» Լևոն Քոչարյանին (լուսանկար)
«Սալյարկայով շիշ կար՝ 5 լիտրանոց, մեքենան այրել են՝ փորձելով լռեցնել ինձ՝ քաղաքական հայացքների համար...
Եթե մանդատները չեն վերցնում` ԱԺ ձևավորվում է. Արփինե Հովհաննիսյան
