«Ժողովուրդ». Ի՞նչ ընդվզման կոչ են արել «Սասնա ծռեր»-ը, և ինչ կապ ունի այն Սամվել Բաբայանի ձերբակալման հետ

«Ժողովուրդ» թերթը գրում է.

««Հիմնադիր խորհրդարան»-ի քարտուղարությունը և այս օրերին կալանավայրում գտնվող «Սասնա ծռեր» խմբի անդամները հայտարարություն են տարածել՝ ուղղված ՀՀ քաղաքացիներին և ընդդիմադիր քաղաքական ուժերին՝ կոչ անելով աշխարհազոր ստեղծել և ընդվզում սկսել:

Հատկանշական է այն փաստը, որ այս քայլին նրանք գնացել են ԼՂՀ ՊԲ նախկին հրամանատար Սամվել Բաբայանի ձերբակալությունից հետո:

«Հիմնադիր խորհրդարանի» ներկայացուցիչ Ալեք Ենիգոմշյանը «Ժողովուրդ»-ի հետ զրույցում ասաց. «Ժողովրդական ընդվզման մասին է խոսքը: Խոսք չկա զենքի մասին, բայց դա մարդու տարրական իրավունք է, երբ իր դեմ զենք են օգտագործում, ինքնապաշտպանությունը տարրական իրավունք է, բայց այդ կոչի մեջ զենքով ընդվզման մասին խոսք չկա»: Միաժամանակ նա հայտարարել է, թե իրենց կոչը կապված է ոչ թե Բաբայանի ձերբակալության, այլ ընդհանուր իրավիճակի հետ»:

Մանրամասները՝ թերթի այսօրվա համարում