«Սա թխված գործ է՝ Սամվել Բաբայանի վրա»
«Միասնություն Հայաստան» նախաձեռնության անդամ, ԳԽ նախկին պատգամավոր, նախկին քաղբանտարկյալ Ազատ Արշակյանը համոզված է՝ Սամվել Բաբայանի կալանավորումը նախ և առաջ քաղաքական հետապնդում է «ՕՐՕ» դաշինքի նկատմամբ:
Նա NEWSPRESS.am-ի հետ զրույցում նկատեց Սամվել Բաբայանի մեկուսացումն սպառնալիք է դաշինքի մյուս անդամների նկատմամբ:
«Սա քինախնդրություն է. որոշ շրջանակներ հատուկ վերաբերմունք ունեն արցախցիների նկատմամբ: Ըստ երևույթին՝ արցախյան գավառական հարաբերությունները հիմա տեղափոխել են Հայաստան՝ մայրաքաղաք ու քաղաքականություն, և նույնիսկ համապետական միջոցառումների ժամանակ աշխատում են իրենց մանկության ու երիտասարդության տարիների տղայական հարաբերությունները»,- նկատում է Ազատ Արշակյանը:
Ինչ վերաբերում է «Իգլա» տեսակի զենիթա-հրթիռային համալիրին, ապա Արշակյանի խոսքով՝ դա սովորական օպերացիա է:
«Ցանկացած հոլիվուդյան դետեկտիվ ֆիլմի մեջ այդ օպերացիան կա, թե ինչպես են, ասենք, թմրանյութը, կամ հենց նույն զենքը, ինչպես են սարքում, ինչպես են թխում, ինչպես են թխում քրեական գործ՝ որևէ մեկի վրա: Սա թխված գործ է՝ Սամվել Բաբայանի վրա»,- ընդգծեց նախկին քաղբանտարկյալը:
Մենք միասին ենք լինելու՝ կա′մ բանտում, կա′մ ազատության մեջ
Անդրադառնալով Սեյրան Օհանյանի հայտարարությանն, ըստ որի՝ նա պատրաստվում է մինչև վերջ լինել Սամվել Բաբայանի կողքին, Ազատ Արշակյանը նկատում է՝ կա′մ պետք է Սամվել Բաբայանը գա, լինի Սեյրան Օհանյանի կողքին, կա′մ մենք՝ բոլորս, Սեյրան Օհանյանի ղեկավարությամբ, պետք է գնանք Սամվել Բաբայանի կողքը:
«Խնդիրն այդպես է դրված. այն դնողը գիտի, որ եթե տանի Սամվել Բաբայանին՝ դա մյուսների համար ծրագիր է: Այսինքն՝ եթե դուք չճորտանաք, չհնազանդվեք՝ սպասվում է սա… կարծում եմ, որ Սեյրան Օհանյանը ճիշտ բանաձև է ասել՝ մենք միասին ենք լինելու՝ կա′մ բանտում, կա′մ ազատության մեջ»,- նշեց Արշակյանը:
Ոչ-ոք չի հանդուրժի իշխանության զավթումը՝ քրեաօլիգարխիկ ուժերի կողմից
Ազատ Արշակյանը դժվարանում է հետընտրական շրջանի մասին հստակ կանխատեսումներ անել, սակայն նկատում է, որ անկախ նրանից՝ դա կլինի Սամվել Բաբայանը, Սեյրան Օհանյանը կամ մեկ այլ ուրիշը, չի հանդուրժի իշխանության զավթումը՝ քրեաօլիգարխիկ ուժերի կողմից:
«Սամվել Բաբայանի դեպքը, Ջրառատի դեպքը, մանկավարժների վեռբովկայի դեպքը, սրանք բոլորն իշխանության զավթման քայլեր են, հակաօրինական են, իսկ եթե հակաօրինական են, նշանակում է՝ ինչ-որ մարդիկ իշխանությունը խլում են քաղաքացիներից: Նրանք բնական է, որ պետք է դրան համապատասխան արձագանք տան: Դրա անունը ուզում եք դնենք հետընտրական զարգացումներ, ուզում եք՝ նախադեմոկրատական, նախաազատագրական զարգացումներ»,- նշում է Արշակյանն ու հավելում, որ զարգացումներ անպայման կլինեն:
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Հայաստանի ընտրությունները չեն կարող համարվել օրինական. Դմիտրի Մեդվեդև
Երևանում հնչել են կրակոցներ․ կա վիրավոր
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
Արթուր Դավթյանի մայրը «լայքում է» Լևոն Քոչարյանին (լուսանկար)
«Սալյարկայով շիշ կար՝ 5 լիտրանոց, մեքենան այրել են՝ փորձելով լռեցնել ինձ՝ քաղաքական հայացքների համար...
Ահազանգ. «Բոյով» մականունով թաղային հեղինակությունը ահաբեկում է քաղաքացիներին
