Արփինե Հովհաննիսյանի գեղեցկությունը չի փրկի իրավական համակարգը
Երբ Արփինե Հովհաննիսյանը նշանակվեց Արդարադատության նախարար, որոշակի շոկային իրավիճակ էր։
Այլ հարց է, թե ով, ինչպես, ում կողմից կամ ում միջնորդությամբ եղավ նշանակումը, սակայն պարզ էր այն, որ կառավարությունում նոր կադր կա՝ երիտասարդ, խելացի և, ինչո՞ւ չէ, նաև գեղեցիկ։
Իսկ թե Արփինե Հովհաննիսյանի արտաքին տվյալները որքանով են համապատասխանում ընտրված ոլորտին, այստեղ արդեն խնդիր կա։
Արդարադատության համակարգը ո′չ երիտասարդ, ո′չ առանձնապես խելացի կադրի կարիքը ո′չ ունեցել է և ո′չ էլ հավակնում է ունենալու, իսկ գեղեցիկ լինելը բոլորովին պարտադիր չէ։
Ժամանակը ցույց տվեց, որ երիտասարդ նախարարուհու տվյալները չեն կարող փոխել արդարադատության համակարգում ձևավորված մտածելակերպը և բարքերը:
Ոչ թե նախարարուհին փոխեց համակարգը, այլ ինքը հարմարվեց համակարգին։
Արդարադատության ոլորտում համատարած անարդարություններ են և կոռուպցիա, և եթե այսօր Արփինե Հովհաննիսյանը ՀՀԿ ցուցակում ընդգրկված լինելով՝ քարոզարշավի ժամանակ խոսում է երկրի և մարդկանց իրավիճակից, լավ կլինի, որ հենց իր ոլորտի, հատկապես նախարարության աշխատակիցների անփութությունն ու չարաշահումները կարգավորի:
Հարթակից գեղեցիկ խոսել կարող են բոլորը։
Ընդհանուր առմամբ, իրավական ոլորտն ամենախնդրահարույցն է, եթե մարդիկ դժգոհում են, որ արդար երկիր չէ, մեծամասամբ դա վերաբերում է իրավական ոլորտին․ անարդարություններն այստեղ ծայր ունեն, սակայն վերջ չունեն։
Գաղտնիք չէ, որ ոլորտը ղեկավարվում է, հատկապես անցանկալի անձանց դեպքում, նախագահականի կողմից։ Ոլորտի կարևորագույն որոշումները կայացվում են առանց իրավական համակարգի ներկայացուցիչների՝ պարզապես այդպես է պետք։ Սա վաղուց արդեն գաղտնիք չէ, և պետք չէ դա թաքցնելով կոծկել իրավական ոլորտի խորդուբորդերը։ Այդպես է դասավորվել։
Ինչ վերաբերում է ԱԺ ընտրություններին, ապա, ինչպես գիտենք, Արփինե Հովհաննիսյանը երրորդ տեղում է ՀՀԿ ցուցակում և նա քարոզարշավի առանցքային խաղացողներից է:
Թեև ՀՀԿ-ում խանդում են նրան այդ կարգավիճակի համար, սակայն դա խանդելու բան չէ։
Նախ ՀՀԿ ցուցակի առաջին տեղեր զբաղեցնողները գտնվում են հանրության ուշադրության կենտրոնում, և նրանց խոսքը, շարժուձևը, անցյալը մշտապես քննարկման առարկա է։
Այնքան էլ հաճելի իրավիճակ չէ, երբ քննարկվում ես բոլոր կողմերից։
Ի դեպ, ՀՀԿ-ում թույլատրել են, որ նաև Արփինե Հովհաննիսյանը մասնակցի քարոզարշավին՝ ենթատեքստում ունենալով այն, որ նա թաթախված չէ անօրինական հարստացման, փողերի լվացման մեջ և թեև ախմախություններ առանձնապես թույլ չի տալիս, սակայն այնպես չէ, որ հանդիպումների ժամանակ էական որևէ բան է ասում։
Իհարկե, ՀՀԿ-ի ներկայացուցիչներն ասում են, որ մենք ընդունում ենք, որ սխալներ ու բացթողումներ են եղել, սակայն մարդկանց ասել՝ տեղյակ ենք, որ աղքատ եք, տեղյակ ենք, որ սոված եք, խնդիրներ ունեք, անցել եք ծանր փորձությունների միջով, դեռ ամոքում չէ մարդկանց վերքերին, դա բոլորը գիտեն՞
Մարդիկ սպասում են լուծումների, ոչ թե իրենց վիճակի արձանագրության։
Իհարկե, Արփինե Հովհաննիսյանը որևէ լուծում առաջարկել չի կարող, եթե նա կարողանա լուծումներ առաջ քաշել, ապա այն ոլորտը, որ ղեկավարում է՝ կկանոնակարգեր։
Ի դեպ, Արդարադատության նախարարության քրեակատարողական վարչությունը և «Վարդաշեն» ՔԿՀ-ի պաշտոնատար անձինք ներքաշված են չարաշահումների, կաշառակերության մեջ։ ՀՀ ԱՆ ՔԿՎ բժշկական աշխատանքային հանձնաժողովի անդամները չեն խորշում դատապարտյալների քարտում կեղծ գրառումներ անելուց։
Եվ այն, որ մարդն է ՀՀ-ում արժեք՝ ծեծված և հնաբույր կարգախոս է, նաև իմաստազուրկ արտահայտություն է, քանի որ նման բան երբեք չի եղել, չկա, և այսպես շարունակելով՝ չի էլ լինելու, գոնե Հայաստանում։
Արփինե Հովհաննիսյանը սկսել է պոպուլիզմով առաջնորդվել։
Եթե մարդը նման կարևորագույն արժեք է, ապա իրավական համակարգն առաջինը պետք է դա գնահատեր, ոչ թե մարդկանց ՔԿՀ-ներում փակեր, դատապարտեր մահվան, գործ սարքեր վրաները և այլն։
Այնպես որ՝ գեղեցկությունը չի փրկի իրավական համակարգը։
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Հայաստանի ընտրությունները չեն կարող համարվել օրինական. Դմիտրի Մեդվեդև
Երևանում հնչել են կրակոցներ․ կա վիրավոր
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
Արթուր Դավթյանի մայրը «լայքում է» Լևոն Քոչարյանին (լուսանկար)
«Սալյարկայով շիշ կար՝ 5 լիտրանոց, մեքենան այրել են՝ փորձելով լռեցնել ինձ՝ քաղաքական հայացքների համար...
Ահազանգ. «Բոյով» մականունով թաղային հեղինակությունը ահաբեկում է քաղաքացիներին
