Ինչո՞ւ հաղթեց ՀՀԿ-ն
Գրեթե 70 տոկոս աղքատություն ունեցող երկրում իշխող կուսակցության հաղթանակը չի ենթարկվում որևէ տրամաբանության, սակայն փաստը մնում է փաստ։
Հարց է առաջանում՝ այդ ինչո՞ւ հաղթեց ՀՀԿ-ն. ո՞ր ձեռքբերման համար։
Արդյոք քաղաքացիների վրա ազդեցի՞ն վարչապետի լեզվական հմտությունները։
Եթե քաղաքացին 10 հազար դրամով կարող է լուծել իր ընտանիքի որևէ խնդիր՝ պարտք տալ, սնունդ գնել, ապա նորմալ է, որ նման երկրում իշխանությունը հաղթի իր իսկ քաղաքացուն։ Կարելի էր ընտրակաշառք չբաժանել, կարելի էր, սակայն այս դեպքում քաղաքացիների զգալի մասը չէր գնա ընտրատեղամասեր:
Մյուս հատվածը պետական համակարգն է, որին հրահանգված էր պարզապես գնալ ընտրության․ մնացածը՝ իրենք գիտեն: Մեկ այլ հատվածը բանակն էր, որն անկախությունից հետո միշտ ենթակա է եղել. ընտրել է ինչպես հրահանգված է։
Ի դեպ, չար լեզուներն ասում են, որ
բանակն ընտրել է Դաշնակցությանը։
Իսկ թե ինչո՞ւ Դաշնակցությանը, պարզապես ՀՀԿ-ն որպես գործընկեր էր ընտրել ՀՅԴ-ին, և որպեսզի հեղինակազրկված Դաշնակցությունը չմնա ձեռնունայն, այլ դառնա ՀՀԿ-ի պատվավոր գործընկերը։
Բանակը, պետական հատվածի աշխատողները, ընտրակաշառքով կաշկանդվածներն ապահովեցին ընտրագլխաքանակը:
Մնացածը տեխնիկայի հարց էր։
Ասում են՝ ընտրատեղամասեր են տարել անգամ տեսողությունից զրկված՝ 80-ամյա պապիկներին ու շարժողական խնդիրներ ունեցող տատիկներին, քանի որ նրանց համար արդեն ընտանիքը փող էր վերցրել։
Այս ընտրությունները մեր երկրի պարտությունն են.
հանուն խղճուկ դրամի, որ բաժանողներն անգամ չեն հաշվում, այնքան մանրուք է, մեծ ու մանուկ հասել էին ընտրատեղամասեր։
Այս տարիներին իշխող օլիգարխիան այնքան փող էր կուտակել, որ կարող էր իր քաղաքացիներին գնել և, իհարկե, ՀՀԿ-ն կասի, որ ազատ, արդար, թափանցիկ ընտրություններ էին, իսկ ով է հակառակվելո՞ւ՝ ոչ ոք։
Իսկ միջազգային դիտորդները։
Նրանք էլ իրենց բաժին խնդիրներն ունեն․ Հայաստանին քաշում են ԵՏՄ, նաև ԵՄ։ Այս ճանապարհներին նորմալ է, որ Հայաստանում ընտրություններն ընթանան այնպես, ինչպես ընթացան։ Միջազգային դիտորդների համար էական էր արձանագրել, որ ընտրությունները տեղամասերում քիչ թե շատ տեխնիկապես կանոնակարգված էին, թեև դրանք ոչ թե կայացան ընտրատեղամասերում, այլ մինչև ընտրությունները։
Դիտորդները և′ տեսան, և′ չտեսնելու տվեցին։
Ի դեպ, ՀՀԿ-ն ու ԲՀԿ-ն այդքան փող ծախսեցին նաև վախից, չէ՞ որ իրենց չընտրվելու պարագայում հայտնի չէ, թե ինչ կաներ հակառակորդ ՀՀԿ-ականը, կամ նոր իշխանությունը․ չէր բացառվում, որ բանտերը սպասում էին ոմանց։
Այժմ բանտի փոխարեն՝ Ազգային Ժողով. նորմալ է։
Ահա թե ինչու ընտրվեց ՀՀԿ-ն, իսկ ԲՀԿ-ին տեղ տվեցին շվաքում, «Ելքին» պահեցին ժողովրդավարության համար, իսկ ՀՅԴ-ին տեղ տվեցին վերմակի տակ։
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Հայաստանի ընտրությունները չեն կարող համարվել օրինական. Դմիտրի Մեդվեդև
Երևանում հնչել են կրակոցներ․ կա վիրավոր
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
Արթուր Դավթյանի մայրը «լայքում է» Լևոն Քոչարյանին (լուսանկար)
«Սալյարկայով շիշ կար՝ 5 լիտրանոց, մեքենան այրել են՝ փորձելով լռեցնել ինձ՝ քաղաքական հայացքների համար...
Ահազանգ. «Բոյով» մականունով թաղային հեղինակությունը ահաբեկում է քաղաքացիներին
