Որևէ մեկի հետ նպատակ չունենք լեզվակռվի. Է.Շարմազանով

Երևանի ավագանու թեկնածուները Տարոն Մարգարյանի գլխավորությամբ ապրիլի 21-ին քարոզչությունը կսկվի Էրեբունի վարչական համայնքում:

Այս մասին այսօր ՀՀԿ Գործադիր մարմնի նիստից հետո լրագրողների հետ զրույցում ասաց ՀՀԿ խոսնակ Էդուարդ Շարմազանովը:

Նա նշեց, որ մայիսի 14-ին Երևանի ավագանու ընտրություններին Հայաստանի Հանրապետական կուսակցությունը հանդես կգա «Հանուն Երևանի» կարգախոսով:

«Մենք քարոզչությունը սկսենք աշխատանքային ժամից` 18:00-ից հետո: Բացառությամբ ապրիլի 24-ի, մնացած օրերին կզբաղվենք ակտիվ քարոզչությամբ»,- ասաց ՀՀԿ խոսնակը` հավելելով, որ նախընտրել են ուղղակի բակային հանդպումների քարոզչությունը: Յուրաքանչյուր քարոզչական օր կլինեն 4-ից 6 բակերում:

«ՀՀԿ-ի քաղաքապետի թեկնածուի և երևանցիների միջև միջնորդներ պետք չեն, ուստի նախընտրել են նման ձևաչափով հանդիպումները»,-ասաց շարմազանովը:

Ավագանու ընտրություններում գործելու է ՀՀԿ 460 ենթաշտաբ։

«Մեր քարոզչական թիմը պատրաստ է, որևէ մեկի հետ նպատակ չունենք լեզվակռվի, այլ քաղաքական պայքարի մեջ մտնելու, մենք քաղաքակիրթ մրցապայքարի կողմնակից ենք: Ողջունում ենք երկու քաղաքական այլ դերակատարներին՝ «Ելք» դաշինքին և «Երկիր ծիրանի» կուսակցությանը, հատկապես, որ վերջինիս համար սա քաղաքական դեբյուտ է», – ընդգծեց Է. Շարմազանովը։