Խաչիկ գյուղի թիվ մեկ խնդիրն արտագաղթն է ու ոռոգման ջուրը
Վայոց ձորի մարզի սահմանամերձ Խաչիկ գյուղը գտնվում է ծովի մակերևույթից 1850մ բարձրության վրա, հարավից Նախիջևանի հետ ունի շուրջ 27 կմ պետական սահման: Այստեղ հայկական կողմը պահպանվող դիրքեր ունի` անմիջապես ադրբեջանական դիրքերի դեմ-հանդիման, իսկ երկու դիրքերի միջև եղած հատվածում հայկական վարելահողերն են, որոնք մշակվում են: Ինչպես վստահեցնում էին գյուղի բնակիչները, իրենք կարողանում են աշխատել միջդիրքային հատվածում. թիկունքից հայկական կողմը պահում է և զգոն է կրկնակի` մինչև աշխատանքների ավարտը:
Թեև 2011 թվականի հունվարի 1-ի դրությամբ մշտական բնակչությունը կազմում էր 1022 մարդ, տնտեսությունների թիվը` 255, սակայն այսօր բնակչության թիվն այդքան չէ. մարդիկ գյուղից դուրս են գալիս` տարբեր պատճառներով, հիմնական պատճառն աշխատատեղերի բացակայությունն է:
Գյուղը գտնվում է գեղատեսիլ վայրում` լեռներից նայում է Շարուրի դաշտին, երևում է Արարատ լեռը և Արաքս գետը:
Այստեղ մշակում են գարի, հաճար, մրգատու ծառեր, հպարտանում են խաղողի այգիներով, որից հրաշալի շամպայն են ստացել, և այդ է պատճառը, որ նախատեսվում է համայնքի տարածքում բացել շամպայնի գործարան:
Ինչպես իրենց խոսքում նշեցին խաչիկցիները և համայնքապետ Վարդան Ներսիսյանը, համայնքում առատ բերք ստանում են, սակայն ունեն իրացման խնդիր: Միայն Արենի գյուղից Խաչիկ համայնքը գտնվում է 21 կմ հեռու` լեռների վրա, դժվար է հաղորդակցությունն, թեև ճանապարհը ասֆալտապատ է, նաև բերքի իրացումը:
Օրերս WWF-Հայաստանի, Գնիշիկ միջհամայնքային բնապահպանական հիմնադրամի և Խաչիկ համայնքի միջև ստորագրվել է «Բնության պահպանության եռակողմ համաձայնագիրը»: Խաչիկ գյուղին տրամադրվել է գյուղտեխնիկա և շուրջ 4000 պտղատու տնկի. տնկիները խաչիկցիները վերցրել են ըստ անհրաժեշտության, իսկ գյուղտեխնիկան հերթով կաշխատացնեն, այն տնօրինելու է համայնքապետարանը:
Գյուղում էր նաև Բնապահպանության նախարար Արծվիկ Մինասյանը, ում խաչիկցիները պատմեցին ոռոգման ջրի խնդրի մասին, նախարարը խոստացավ աջակցել, ոռոգման խնդիրը լուծելու համար նաև WWF-ի հայաստանյան մասնաճյուղի տնօրեն Կարեն Մանվելյանը պատրաստակամություն հայտնեց:
Խաչիկ համայնքի տարածքով են անցնում էկոմիջանցքները, և կենդանիների տեղաշարժն ապահովելու համար նախատեսվում են ներդրումները` մեղմելու կողմնակի ազդեցությունը բնության վրա:
Գյուղում, սակայն, խնդիր է արտագաղթը. Բնապահպանության նախարարը, WWF-Հայաստանի ներկայացուցիչները գյուղում էին, ողջ Խաչիկ գյուղը հավաքվել էր գյուղի կենտրոնական հրապարակում, գյուղի փողոցներն ամայացել էին. Արտագաղթն այստեղով է անցել:
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Հայաստանի ընտրությունները չեն կարող համարվել օրինական. Դմիտրի Մեդվեդև
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
Երևանում հնչել են կրակոցներ․ կա վիրավոր
Արթուր Դավթյանի մայրը «լայքում է» Լևոն Քոչարյանին (լուսանկար)
«Սալյարկայով շիշ կար՝ 5 լիտրանոց, մեքենան այրել են՝ փորձելով լռեցնել ինձ՝ քաղաքական հայացքների համար...
Ահազանգ. «Բոյով» մականունով թաղային հեղինակությունը ահաբեկում է քաղաքացիներին
