Արիանա Հովսեփյանն ազատազրկված չէ և չի եղել․ նա հերքում է պահանջում Գայանե Մանուկյանից

«Newspress.am» կայքի հիմնադիր Արմենուհի (Արիանա) Հովսեփյանը հերքում է պահանջում Usarmenianews կայքի խմբագիր Գայանե Մանուկյանից՝ այն բանի համար, որ նա իր կայքում 01․05․2017թ․ հրապարակել է «Մեկ տարի ազատազրկված «Newspress.am»-ի Արիանա Հովսեփյանը ինչո՞ւ է թաքցնում է զրպարտիչ նյութի հեղինակ՝ Արթուր Հայրապետյանին» վերտառությամբ հոդված, որտեղ տեղ են գտել զրպարտություններ և վիրավորանքներ՝ ուղղված Արիանա Հովսեփյանի անձին։

Սկսենք հոդվածի վերնագրից, որն արդեն իսկ զրպարտություն է․ «Մեկ տարի ազատազրկված «Newspress.am»-ի Արիանա Հովսեփյանը․․․»։ Պաշտոնապես հայտարարում ենք և հաստատում, որ Արիանա Հովսեփյանը ազատազրկված չէ և չի էլ եղել, նա այս պահին պարզապես գտնվում է դատական գործընթացների մեջ։ Թե ինչ մեղադրանքով է հարուցվել գործը, դրան անդրադարձել են նույնիսկ մի քանի լրատվամիջոցներ, սակայն հարկ ենք համարում տեղեկացնել «խիստ մտահոգվածներին», որ դեռևս վերջնական վճիռ չի կայացվել։

Չենք ցանկանում անդրադառնալ նյութում տեղ գտած մյուս հերյուրանքներին ու վիրավորանքներին, որոնք իր հոդվածում օգտագործել է Գայանե Մանուկյանը։ Արիանա Հովսեփյանին և նրա ղեկավարած կայքին ուղղվել են վիրավորանքներ, ինչպիսիք են, օրինակ, «խփնված»-ը, «ռեգրադացիոն ամնեզիայով տառապող տիկին»-ը, «ստորությամբ ապրուստ հայթայթողների հանցախումբ»-ը և նման այլ արտահայտություններ, որոնց արձագանքելը պարզապես անիմաստ է և ժամանակի կորուստ։

Քանի որ, սույն հրապարակմամբ, Գայանե Մանուկյանը միտումնավոր վարկաբեկել է Արիանա Հովսեփյանի հեղինակությունը, ուստի Արիանա Հովսեփյանը հրապարակային հերքում և ներողություն է պահանջում նրանից՝ սահմանված կարգով և ժամկետում։ Նա պահանջում է՝ հերքման տեքստը տեղադրել կայքի նույն հատվածում՝ գլխավոր լուրերում, որտեղ զրպարտող նյութն է հրապարակվել, պահանջելու է նաև հերքման տեքստը թողնել գլխավոր լուրերում այնքան ժամանակ, որքան ժամանակ մնացել է հիշյալ հոդվածը։

Հերքումը չտպագրելու պարագայում՝ Արիանա Հովսեփյանը դիմելու է դատարան՝ հրապարակային վիրավորանքների ու զրպարտության համար։

Հերքման տեքստն առաջիկա 24 ժամվա ընթացքում կուղարկվի Գայանե Մանուկյանին՝ [email protected] հասցեով։