Ինչո՞ւ է Տարոն Մարգարյանը ցանկանում ևս մեկ անգամ քաղաքապետ դառնալ
Տարոն Մարգարյանի քաղաքապետության տարիներին առանձնապես դրական տեղաշարժեր մայրաքաղաքային կյանքում տեղի չի ունեցել։
Տրանսպորտը նույն անմիթար վիճակում է, մարդիկ կռացած, լավագույն դեպքում կանգնած են երթևեկում, ավտոբուսների, մանավանդ երթուղային տաքսիների տեխնիկական վիճակը երբեմն աղետալի է։
Տարիներ շարունակ տարբեր պաշտոնյաներ, այդ թվում՝ Տարոն Մարգարյանը, այս ոլորտը խոստանում են կանոնակարգել, սակայն առ այսօր՝ ոչինչ։
Ի դեպ, ըստ օդից կախված լուրերի՝ Տարոն Մարգարյանը ևս մի քանի տրանսպորտային գծեր ունի, ինչպես մեծ ու փոքր հայ պաշտոնյաները, այնպես որ՝ այս ոլորտը երբևէ չի կանոնակարգվի, «բեռնավորված» աշխատելով՝ այն դեռևս շահութաբեր է։
Ինչ վերաբերում է կանաչ տարածքներին, ապա վերջերս Դավթաշենում 23 ծառ էր ենթարկվել խոր էտի, դարձյալ, ըստ օդից կախված լուրերի, այդ «հերոսության» հեղինակը քաղաքապետարանն էր, սակայն նախընտրական շրջանում հանրության ուշադրությունը քաղաքապետարանից պարզապես շեղեցին։
Իսկ խոր էտ կոչվածը կամ ծառահատումը, մասնավորապես, Երևանի ամենօրյա էջերից է, իսկ խոր էտի պարագայում երբեմն հարցնում են, թե ի՞նչ օգուտ նման էտից, պատասխանենք, որ ծառերի կտրված հատվածները պարզապես վաճառվում են։ Իսկ ծառը խորքից կտրելու համար անհրաժեշտ չէ մասնագիտական կրթություն։
Կարող ենք չարծարծել երևանյան շենքերի աղճատված վիճակը․ ամեն շենքի գլխին նոր կիսահարկ է բուսնել՝ աղճատելով շինության արտաքին տեսքը։ Ի դեպ, հիշեցնենք, որ շատ հին քաղաքներում կտրականապես արգելված է շենքերի արտաքին հատվածի վրա որևէ փոփոխություն կատարել։
Երևանի ասֆալտապատումն իսկական բարի-չարու հեքիաթ է նման․ կենտրոնական մի քանի փողոցներն արագ-արագ ասֆալտապատում են, իսկ արվարձանային փողոցները կամ ասֆալտապատ չեն ընդհանրապես, կամ ասֆալտապատումը խորհրդային ժամանակների է։
Ի դեպ, այժմ էլ շրջանառվում է Օղակաձև զբոսայգու կառուցապատման խնդիրը, այգում տարիներ շարունակ վեր են բարձրանում տարբեր ժամանցային նշանակության շինություններ, որոնց թույլտվությունը տալիս է քաղաքապետարանը։
Իսկ թե որն է ավելի լավ Երևանը, հանուն որի Տարոն Մարգարյանը ցանկանում է վերընտրվել, հարց է։ Այնպես, ինչպես նա չի կառավարել Երևանն այս տարիներին, շարունակելու է նաև ընտրվելու պարագայում։
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Հայաստանի ընտրությունները չեն կարող համարվել օրինական. Դմիտրի Մեդվեդև
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
Արթուր Դավթյանի մայրը «լայքում է» Լևոն Քոչարյանին (լուսանկար)
Երևանում հնչել են կրակոցներ․ կա վիրավոր
«Սալյարկայով շիշ կար՝ 5 լիտրանոց, մեքենան այրել են՝ փորձելով լռեցնել ինձ՝ քաղաքական հայացքների համար...
Ահազանգ. «Բոյով» մականունով թաղային հեղինակությունը ահաբեկում է քաղաքացիներին
