Եղնիկների հոշոտման պատասխանատվությունը Բնապահպանության նախարարության վրա է
Երկու օր առաջ համացանցը հեղեղվեց «արտակարգ դեպք» որակմամբ հոդվածներով այն մասին, թե Երևանի գազանանոցում եղնիկներ են հոշոտվել՝ թափառող շների կողմից:
Թերևս այստեղ արտակարգ ոչինչ չկա՝ հաշվի առնելով այն, որ նմանատիպ «հոշոտման արտակարգ դեպքեր» գրանցվում են գրեթե ամեն տարի: Կարելի է նայել պարզապես գազանանոցի տարեգրությունը, և պարզ կդառնա, որ եղնիկները տարբեր տիպի «գազանների» կողմից «հոշոտվում» կամ տարբեր հիվանդություններից «սատկում» են նոր տարվա նախաշեմին՝ տարեմուտից առաջ, և գարնանը, երբ բացվում է որսի շրջանը:
Կարծիքներ եղան այն մասին, թե, ամենայն հավանականությամբ, այս անգամ էլ ինչ-որ մեծահարուստի սիրտ եղնիկի միս է ցանկացել: Ու հերթական անգամ էլ տրվել է՝ եղնիկի գազանանոցից անհետացման հետ կապված ձևակերպումը:
«Թռչունների կենտրոն» ՀԿ տնօրեն, բնապահպան Սիլվա Ադամյանը չի բացառում, որ եղնիկներն իսկապես հնարավոր է հոշոտված լինեն թափառող շների կողմից, սակայն այս դեպքում նա մեղադրում է ոչ թե գազանանոցի տնօրինությանը, ովքեր կարող էին հաշվի առնել նման երևույթները և կանխարգելել դրանք, այլ թափառող շներով զբաղվող կազմակերպություններին և, իհարկե, Բնապահպանության նախարարությանը:
Սիլվա Ադամյանը նկատում է, թեև կենդանիների պահպանման ու նրանց նկատմամբ հոգածության հարցը վերապահված է Բնապահպանության նախարարությանը, սակայն վերջինս այս ուղղությամբ ոչ մի քայլ չի անում:
Մասնավորապես՝ անդրադառնալով եղնիկների հետ տեղի ունեցած միջադեպին՝ նա նշում է, որ եղնիկների որսը Հայաստանում արգելված է, մինչդեռ նախարարության անտարբերությունը հասցրել է նրան, որ մեզ մոտ շատ ռեստորանների ճաշացանկում առաջարկվում է եղնիկի միս: Սիլվա Ադամյանը նկատում է՝ իրենց կազմակերպությունը Բնապահպանության նախարարությանն է ներկայացրել կենդանիների պահպանման մասին օրինագիծ, սակայն, նրա խոսքով, այդ օրինագիծն ինչպես դրվել, այնպես էլ մնացել է սեղանին և մինչ օրս այդ ուղղությամբ քայլեր չեն ձեռնարկվում:
«Բնապահպանության նախարարությունը կենդանիների պահպանման ու բազմացման հարցերով զբաղվելու փոխարեն միայն դրամաշնորհային ծրագրերով է զբաղվում, ինչի հետևանքով էլ նման դեպքեր են լինում: Մեր Բնապահպանության նախարարը մինչև հիմա չի հասկացել, որ կենդանական աշխարհը բնապահպանության կարևորագույն մասն է: Նրանք պետք է վերջապես հասկանան, որ պարտավորություններ ունեն այդ գործում և աշխատել միայն հասարարական կազմակերպությունների վրա՝ ճիշտ չէ»,- ասում է Սիլվա Ադամյանն ու հավելում, որ միայն ՀԿ-ներն ի զորու չեն հարց լուծել: Օրինակ բերելով դարձյալ գազազանոցի հոշոտված եղնիկների դեպքը՝ բնապահպանը նկատում է, որ գազանանոցը չի կարող 15 մետրանոց պարիսպ դնել և դա ավելի գլոբալ հարց է, որը պետական մոտեցում և լուծում է պահանջում:
Նա հիշեցնում է հանքարդյունաբերության հետ կապված նախարարության մոտեցումը, և այդ առիթով նախարարի կողմից արված հայտարարությունը: «Ասում են՝ կենդանինները չեն կարող այդ միջավայրում պահպանվել և բազմանալ, ասում է՝ գիտե՞ք՝ ինչ կա՝ կենդանիներին տարեք մեկ այլ տեղ… հիմա այդ նախարարից ի՞նչ կարելի է ակնկալել»,-նկատում է բնապահպանը:
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Հայաստանի ընտրությունները չեն կարող համարվել օրինական. Դմիտրի Մեդվեդև
Իրանի արտաքին գործերի նախարարությունը զգուշացրել է տարածաշրջանի երկրներին
Լավրովը կոչ է արել Նիկոլ Փաշինյանին պատասխան տալ իր խոսքերի համար
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Արթուր Դավթյանի մայրը «լայքում է» Լևոն Քոչարյանին (լուսանկար)
«Սալյարկայով շիշ կար՝ 5 լիտրանոց, մեքենան այրել են՝ փորձելով լռեցնել ինձ՝ քաղաքական հայացքների համար...
Ահազանգ. «Բոյով» մականունով թաղային հեղինակությունը ահաբեկում է քաղաքացիներին
Երևանում հնչել են կրակոցներ․ կա վիրավոր
