Արծվիկ Մինասյանը կառչել է իր պաշտոնից
Թեև Արծվիկ Մինասյանը շատ է ցանկանում շարունակել մնալ նախարարի պաշտոնում, սակայն, կարծես թե, նրա շանսերը նվազում են։ Համենայնդեպս, նա իր ցանկության մասին խոսել է ասուլիսներից մեկի ժամանակ, իսկ այն, որ վերջերս շատ է խոսում այդ մասին՝ պատահական չէ։
Դեռ նախորդ տարի, երբ կառավարության իր առաջին նիստի ժամանակ Կարեն Կարապետյանն ընդհատեց Էկոնոմիկայի նախարար Արծվիկ Մինասյանի ելույթը՝ ասելով, թե «չի հավատում» նրա ներկայացրածին, դրանից հետո մամուլում շահարկվում էր, որ նոր կառավարությունում Արծվիկ Մինասյանը չի պահպանելու պաշտոնը։ Չնայած նրան ինչ-որ կերպ հաջողվեց մնալ կառավարությունում (թեկուզև Բնապահպանության նախարարի պաշտոնում), սակայն դրանից վարչապետի և նրա հարաբերությունները չբարելավվեցին։ Ավելին՝ Կարեն Կարապետյանն այսօր էլ նույն հաջողությամբ բնապահպանական ոլորտի խնդիրներն է վերհանում, ու Արծվիկ Մինասյանին իր «տեղը ցույց տալիս»։
Ինչպես այն ժամանակ, այսօր էլ դեռ Մինասյանը պնդում է, որ իր և վարչապետի միջև տարաձայնություններ չկան, և իրենց հարաբերություններն աշխատանքային են։
«Ես շարունակում եմ կատարել իմ պարտականությունները, հրաժարական տալու խնդիր չկա»,–հայտարարել է Արծվիկ Մինասյանը։
Ի դեպ, ոչ միայն բոլորին, այլև հավանաբար հենց իրեն համոզելու համար, Արծվիկ Մինասյանն այդ մասին հայտարարում է ամեն մի առիթով և առանց առիթ։
Որոշ լուրերի համաձայն էլ վարչապետի և Արծվիկ Մինասյանի հարաբերությունները սրված են դեռ այն ժամանակվանից, երբ Երևանի քաղաքապետի պաշտոնում գործող վարչապետն էր:
Այն ժամանակ Արծվիկ Մինասյանը հայտարարել էր, թե «Կարեն Կարապետյանը լավ մենեջեր է, բայց վատ քաղաքական գործիչ»։
Այսօր թեև նա նույն կարծիքին չէ և արդեն ասել է այդ մասին, որ «հայտարարությունն արվել է այն ժամանակ, երբ պարոն Կարապետյանը քաղաքապետ էր․․․», սակայն նրա և վարչապետի միմյանց նկատմամբ ունեցած ակնհայտ անբարյացկամ հարաբերություններից կարելի է եզրակացնել, որ Արծվիկ Մինասյանը պատասխան է տալիս իր բառերի համար։
Ինչևէ, դաշնակցական գործիչը բավականին լավատեսորեն է տրամադրված կամ գոնե այդպիսին փորձում է ցույց տալ իրեն․ նա խոսում է ոլորտի բարեփոխումների ու ոլորտի հետ կապված հենց իր ծրագրերի մասին։
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Իրանի արտաքին գործերի նախարարությունը զգուշացրել է տարածաշրջանի երկրներին
Հայաստանի ընտրությունները չեն կարող համարվել օրինական. Դմիտրի Մեդվեդև
Լավրովը կոչ է արել Նիկոլ Փաշինյանին պատասխան տալ իր խոսքերի համար
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Արթուր Դավթյանի մայրը «լայքում է» Լևոն Քոչարյանին (լուսանկար)
«Սալյարկայով շիշ կար՝ 5 լիտրանոց, մեքենան այրել են՝ փորձելով լռեցնել ինձ՝ քաղաքական հայացքների համար...
Ահազանգ. «Բոյով» մականունով թաղային հեղինակությունը ահաբեկում է քաղաքացիներին
Գյումրեցի 18-ամյա լրագրողին ԱԱԾ-ն ձերբակակել է․ ընտանիքի անդամները շոկի մեջ են
