«Ելք» դաշինքի բոլոր մեղադրանքները մերկապարանոց են. Շարմազանով

««Ելք» դաշինքի հայտարարությունները իրականությանը չեն համապատասխանում, ընտրակաշառքների վերաբերյալ կարծիքը կեղծ ահազանգ է, քանի որ այդ տեսանյությում չկա կաշառքի վեաբերյալ որևէ փաստ»:

Այս մասին այսօր ՀՀԿ Գործադիր մարմնի նիստից հետո լրագրողների հետ զրույցում ասաց ՀՀԿ մամուլի խոսնակ Էդուարդ Շարմազանովը

Նրա խոսքով, եթե կա որևէ դժոհություն, պետք է դիմեն իրավապահ մարմիններին։

«Բոլոր մեղադրանքները մերկապարանոց են, անձամբ ես եմ խնդրել, որ այսօր ՀՀԿ նախընտրական շտաբի պետ Հրայր Անտոնյանն ընդունի Նիկոլ Փաշինյանին, կարծելով, որ նա կունենա պատգամավորին հարիր պահվածք, չնայած ՀՀԿ-ի շտաբերում պարտավոր չեն չսպասված հյուրերի դիմավորել»,- նշեց Էդուարդ Շարմազանովը:

Անդրադառնալով Նիկոլ Փաշինյանի այն հայտարարությանը, թե ՀՀԿ բոլոր շտաբերի մոտ կուտակումներ են, ՀՀԿ խոսնակն ասաց. «Ո՞ր օրենքով է արգելվում, որպեսզի շտաբերի մոտ քաղաքացիները հավաքվեն: Շտաբերը նրա համար են, որպեսզի մեր ակտիվիստները այցելեն մեր շտաբեր: Եթե որոշ թեկնածուներ ակտիվստների պակաս ունեն ու իրենց շտաբերում մարդիկ քիչ են այցելում, ապա ՀՀԿ-ի թեկնածուի ժողովրդականությունն այնքան բարձր է, որ նորմալ է, երբ համախոհները հավաքվում են ՀՀԿ շտաբերում»,-նշեց շարմազանովը՝ Նիկոլ Փաշինյանին, Զարուհի Փոստանջյանին և Տարոն Մարգարյանին մաղթելով խաղաղ ու համերաշխ ընտրություն։