Աշոտյանին հիմա անվերադարձ ուղարկո՞ւմ են գրողի ծոցը, թե՞ ոչ

Այսօր Armtimes.com-ն անդրադարձել է Արմեն Աշոտյանին: Օրերս ԱԺ-ում տեղի է ունեցել Արտաքին հարաբերությունների մշտական հանձնաժողովի նախագահի թեկնածու Արմեն Աշոտյանի քվեարկությունը: Աշոտյանի օգտին 98 պատգամավորից քվեարկել է ընդամենը 56-ը, դեմ՝ 36, իսկ անվավեր քվեաթերթիկները 2-ն են եղել:

Նշենք, որ Աշոտյանը ՀՀԿ-ում գրեթե համահայկական է, և նրան այսքան քիչ ձայն տալը և այն էլ՝ իշխող կուսակցության հարազատ անդամների կողմից, առնվազն տարօրինակ է:

Ինչպես երևում է, հարազատ կուսակցության ներսում կոսմոպոլիտ Աշոտյանը ազգայնական թշնամիներ ունի, բացի այդ, ըստ կայքի տեղեկությունների, քվեաթերթիկներից մեկի վրա գրված է եղել Աշոտյանին գրողի ծոցն ուղարկելու դասական տարբերակը:

Իհարկե, Աշոտյանը չի հետևել խորհրդատուին, սակայն հոգացել է, որ գրողի ծոցն ուղարկելու առաջարկները մերժվեն: Կարճ ասած՝ Աշոտյանը գրողի ծոցը գնալու մտադրություններ չունի և այդ մասին արդեն բարձրաձայնել է ի լուր աշխարհի:

Ազգային ժողովի Հաշվիչ հանձնախմբի նախագահ Գագիկ Մելիքյանն ասել է, որ նման քվեաթերթիկ ընդհանրապես գոյություն չի ունեցել. Ակնհայտ է, որ աղվեսն իր պոչին է վկա բերել:

ashotyan

Ի դեպ, բարեկրթության սահմաններում է, որ Աշոտյանին պարզապես գրողի ծոցն ենք ուղարկում․ թվեաթերթիկի հեղինակն ավելի պատկերավոր է արտահայտվել և ավելի հեռուն է ուղարկել, սակայն Աշոտյանն սկզբունքորեն դեմ է և′ քվեաթերթիկում առաջարկված տեղավայրին, և′ մեր մեղմացված տարբերակին։ Նա պարզապես Մոսկվա էր գնացել:

Նշվում է նաև, որ Աշոտյանին «հեռաստաններն» ուղարկել է Գագիկ Ծառուկյանը, ով՝ ում-ում, սակայն Աշոտյանին չի ներել «Դոդի Գագո» պատվանունով մկրտելու համար: Դե ինչքան էլ չլինի, Աշոտյանը Գագիկ Ծառուկյանի քաշին չէ, պարզապես այդ օրը ժամանակավորապես հայտնվել էր նախագահական երանությունների մեջ:

Հավելենք, որ Աշոտյանի բախտն ուղղակի բերել է, եթե Նախագահը նրան չպահեր հարազատ կուսակցության ճաղերի հետևում՝ դրսում նրան կատաղած առյուծներն էին սպասում.

Սա այն դեպքն է, երբ վանդակն ավելի ապահով է, քան ազատությունը:

Ի դեպ, իր մտադրությունների մասին նա արդեն հայտնել է Ծառուկյանին, սակայն չի բացառվում, որ վաղ թե ուշ Աշոտյանը դուրս կգա ՀՀԿ վանդակից և կհայտնվի առյուծների վանդակում:

NEWSPRESS.am