«Ժողովուրդ». Ինչո՞ւ կառավարության նիստում չքննարկվեց Լեզվի պետական տեսչությունը փակելու հարցը

«Արդեն երկու ամիս է, ինչ շրջանառության մեջ է դրվել կառավարության որոշման մի նախագիծ, ըստ որի՝ նախատեսվում է լուծարել ՀՀ կրթության եւ գիտության նախարարության աշխատակազմի լեզվի պետական տեսչությունը, ինչպես նաև կրթության պետական տեսչությունը: Այս հարցն ընդգրկված էր նաեւ Կառավարության նախորդ նիստի ժամանակ, սակայն այն այդպես էլ չքննարկվեց:

«Ժողովուրդ» օրաթերթի հետ զրույցում ՀՀ կրթության եւ գիտության նախարար Լևոն Մկրտչյանը պարզաբանեց, թե «Եթե տեսչությունների քաղաքականության պիտի խոշորացման գնա, այնուհանդերձ, իմ կարծիքով, պետք է լինի մի առանձին օղակ, մի կոմիտե, որը զբաղվի Հայաստանի լեզվաքաղաքականությամբ, և ոչ միայն հայոց լեզվի, այլև օտար լեզուների»:

Նախարարի խոսքով՝ կառավարության նախորդ նիստում քննարկման չդրվեց այս հարցն այն պատճառով, որ, ըստ ամենայնի, դեռեւս առանձին կքննարկվի տեսչության փոխարեն մեկ ուրիշ մարմին ստեղծելու հարցը. «Դա կլինի ոչ տեսչական ֆունկցիաներով, այլ լեզվաքաղաքականության մշակման եւ հետեւման խնդիրներով կզբաղվի»:

Մանրամասները՝ թերթի այսօրվա համարում։