Հրազդանի քաղաքապետը ձեռքը տարել է քաղաքի բյուջեին
Անկախությունից հետո ՀՀ մեծ ու փոքր պաշտոնյաների մոտ սկսվեց նոր հիվանդություն՝ որկրամոլություն ամեն ինչի հանդեպ։ Եվ քանի որ այդ շրջանում բյուջեում առանձնապես փող չկար, ապա երկիրը դարձավ կերակուր՝ ոմանց անհագ ախորժակը բավարարելու համար։
Կարող ենք անդրադառնալ շքեղ ավտոմեքենաների գնումներին, որոնք կատարում էին պաշտոնյաները՝ պետության հաշվին։ Իհարկե, հետո այդ մեքենաները սահուն կերպով հայտնվում էին նրանց սեփական ավտոտնակներում, որի համար արդեն պետական գումարներով վճարված էր։ Եվ եթե այդ մասին խոսվում էր, պատասխանում էին՝ հո էշով չենք գնալու հանդիպումների։ Եվ այսպես երկիրը լցվեց պետական լեքսուսներով, տուարեգներով, մերսեդեսներով։
Ի դեպ, թանկարժեք մեքենաները գնվում էին հատկապես եվրոպացիների մոտ ավելի եվրոպացի երևալու համար։ Պարզվում է, որ եվրոպացի պաշտոնյաները նախընտրում են հեծանիվներով կամ էլ ոտքով, կամ էլ հասարակական տրանսպորտով գնալ աշխատանքի․ մարդիկ, ովքեր ծնվելուց հետո սոված չեն մնացել՝ ի տարբերություն հայ պաշտոնյաների, որոնք մինչև պաշտոն ստանալը փշրանքներով էին յոլա գնում։
Ու այսպես իշխանական օղակներում մեքնենարի ուռճացումը դարձավ արդեն սովարական։ Ավելին՝ հետո նաև պարզվեց, որ կառավարության ծառայողական մեքենաներից յուրաքանչյուրն օրական միջին հաշվով ծախսում է 14 հազար դրամի բենզին և քշում մոտ 250 կիլոմետր․ ամեն օր։ Իսկ որ ծառայողական մեքենաներն օգտագործվում են պաշտոնյայի անձնական քմահաճույքների համար, գաղտնիք չէ։
Ի դեպ, վերջերս Հրազդանի քաղաքապետի որդին հայտնվել էր հոր ծառայողական մեքենայի ղեկին, վրաերթի էր ենթարկել մի քաղաքացու, ով մահացել էր, և դեռևս անհայտ է՝ 17-ամյա պատանին պատասխանատվության կենթարկվի՞, թե՞ ոչ։
Ինչպես երևում է հայրը՝ Արամ Դանիելյանը, ելքը գտել է, Հրազդան քաղաքի ավագանին՝ քաղաքապետի գլխավորությամբ, համայնքի 2017 թվականի բյուջեի պահուստային ֆոնդից կատարել է 6 միլիոն 200 հազար դրամ հատկացում՝ մեքենա գնելու նպատակով:
Հրազդան քաղաքում ի՞նչն է շատ՝ խնդիրները։ Մինչև հիմա քաղաքի փողոցները սովետական շրջանի ասֆալտի մնացորդներն են զարդարում, շենքերում վերելակների խնդիրը լուծված չէ, բնակարանների մուտքերը «զարդարված» են հոսանքի լարերով, ծեփը թափած, իսկ առնետները շենքերի մուտքերում պար են բռնում։ Կարճ ասած՝ Հրազդանի քաղաքապետը քաղաքի խնդիրները լուծելու փոխարեն սեփական հարցերն է լուծում։
Իհարկե, քաղաքապետը կարող է «պաշտպանվել», թե մեքենա չունի, սակայն եթե իրավական պետություն լիներ, նա նախ պատասխան կտար, որ իր անչափահաս որդին վերցրել է ծառայողական մեքենան հերիք չէ, մահացու վրաերթ է կատարել, դրանից հետո ասես ոչինչ չի եղել, հայրը բյուջեից դարձյալ մեքենա է գնում։
Չկա որևէ մեկը, որ պարոն Դանիելյանին նախ պատասխանատվության ենթարկի պետական գույքը վնասելու համար, վնասը վերականգնի, նաև մեքենան վերանորոգի սեփական միջոցներով, քանի որ տղան, ի վերջո, իրենն է, կատարում է հակառակը, և ոչ ոք նրա ձեռքը չի բռնում։
Սա կոչվում է պետական փողերի վատնում, որի համար դեռևս մեր երկրում որևէ շոշափելի ՀՀԿ-ական պատասխան չի տվել։
30-ամյա կինը հայտնել է, որ սեռական բռնության է ենթարկվել հյուրանոցում, ավտոմեքենայում ու նաև խոտերի ...
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Պատերազմում վիրավորված, այսօր՝ ծանր հիվանդության դեմ պայքարում․ Մեխակ Սմբատյանին օգնություն է անհրաժ...
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
