Մեծ սրտի տեր մարդ էր․ Մոմավառություն՝ Հասմիկ Գաբրիելյանի հիշատակին (ֆոտո, վիդեո)

NEWSPRESS.am-ի նախաձեռնությամբ` Երևանի Սուրբ Սարգիս եկեղեցում տեղի ունեցավ պատարագ և մոմավառություն՝ ի հիշատակ Եվրոպայի Հայկական Միությունների Ֆորումի նախագահ, «EU-ASIA Business Finance Centre» հոլդինգի նախագահ Աշոտ Գրիգորյանի կնոջ՝ Հասմիկ Գաբրիելյանի։

Hasmik gabrielyan

Մոմավառությանը ներկա էին Հասմիկ Գաբրիելյանի հարազատները և մտերիմները։

«Մեծ սրտի տեր մարդ էր․․․ երևի չէր կարելի այդքան լավը լինել, որովհետև լավերը միշտ շուտ են հեռանում մեզնից»,-մեզ հետ զրույցում ասաց դերասան Արմեն Մարությանը, ով եկել էր մասնակցելու Հասմիկ Գաբրիելյանի հիշատակին նվիրված մոմավառությանը։ Արմեն Մարությանը նաև տիկնոջ ազգականն է և իր խոսքում նշեց, որ մեծ ցավ է ապրում նման մարդու կորստի համար։

Հասմիկ Գաբրիելյանի եղբայրն էլ մեզ հետ զրույցում հիշեց․ Հասմիկը 4 երեխաներից ամենափոքրն էր, և մի կողմից շատ սիրում էին նրան, մյուս կողմից՝ հոգու հետ խաղում։

«Արտակարգ անձնավորություն էր և ահավոր հայրենասեր, նույնիսկ վերջին պահին փորձում էր լավ գործ անել իր երկրի ու ժողովրդի համար»,-ասում է նրա եղբայրը։

Ավելի վաղ տեղեկացրել էինք, որ հունիսի 27-ին, ծանր հիվանդությունից հետո կյանքին հրաժեշտ է տվել ԵՀՄՖ-ի նախագահության անդամ, Սլովակիայի հայկական համայնքի փոխնախագահ, տաղանդավոր երաժիշտ և փայլուն դաշնակահարուհի Հասմիկ Հրաչյայի Գաբրիելյանը:

Մանրամասները՝ տեսանյութում։

Aram harutyunyan momavarutyun1 momavarutyun3 ekxeci