Սամվել Բաբայանից վախենում են
ԼՂՀ ՊԲ նախկին հրամանատար Սամվել Բաբայանին ձերբակալել էին այս տարվա մարտ ամսին՝ մեղադրելով մաքսանենգ եղանակով Հայաստանի Հանրապետություն «Իգլա» տեսակի զենիթա-հրթիռային համալիր տեղափոխելու համար։
«Քրեական գործի շրջանակներում այս պահին ձերբակալված է 3 անձ, այդ թվում՝ ՀՀ քաղաքացի Սամվել Բաբայանը։ Կատարված քննչական գործողությունների և օպերատիվ-հետախուզական միջոցառումների արդյունքում ստացվել են նաև արժանահավատ տվյալներ, որ նշված զենիթա-հրթիռային համալիրի բաղկացուցիչ մասերի ձեռքբերումը և փոխադրումն իրականացրած անձինք գործել են Սամվել Բաբայանի հետ ունեցած նախնական համաձայնությամբ և նրա պատվերով»,-հաղորդում էր ԱԱԾ-ն։
Ըստ փորձագետի եզրակացության՝ զենիթա-հրթիռային համալիրի բաղադրիչ կազմող «9M39» մարտական հրթիռը պիտանի է հետագա շահագործման համար և հանդիսանում է ռազմամթերք։
Ներկայումս պարզաբանվում են զենիթա-հրթիռային համալիրի բաղկացուցիչ մասերի ձեռքբերման շարժառիթները, հնարավոր օգտագործման նպատակները, ինչպես նաև ֆինանսավորման աղբյուրները։
Այժմ Սամվել Բաբայանը մեղադրվում է ՀՀ Քրեական օրենսգրքի 235 հոդվածի 2-րդ մասով և 190 հոդվածի 1-ին մասով (փողերի լվացում)․ հանվել է մաքսանենգության հոդվածը։
Անհասկանալի է, թե ԱԱԾ-ի այդ «արժանահավատ տվյալները» ի՞նչ եղան, թե՞ այլևս արժանահավատ չեն։ Այժմ էլ փողերի լվացում։
Հայաստանում փողերի լվացման մեջ ներքաշված են եղել և են տարբեր տրամաչափի պաշտոնյաներ, ֆինանսիստներ, քաղգործիչների գործակալներ և այլն։
Ռազմական ոլորտին առնչվող քիչ անձանց անուն է շրջանառվում փողերի լվացման հետ կապված։ Եվ եթե նայենք Սամվել Բաբայանի անցած ճանապարհին, կարող ենք ասել, որ նա հաստատ զենք կհայթայթեր տարբեր տեղերից, բայց ահա՝ փողերի լվացում․ մի փոքր դժվար է պատկերացնել։ Իսկ թե ինչո՞ւ փոխվեց մեղադրանքը, այլ հարց է։ Ակնհայտ է, որ Սամվել Բաբայանից վախեցել են և վախենում են, և այդ է պատճառը, որ ամեն գնով ցանկանում են նրան բանտում տեսնել։
Նշենք, որ 2000թ․ Ս. Բաբայանին մեղադրում էին Արկադի Ղուկասյանի դեմ մահափորձ կազմակերպելու մեջ, իսկ մինչ այդ Սամվել Բաբայանը զրկվել էր ԼՂՀ պաշտպանական բանակի հրամանատարի պաշտոնից և իշխանական լծակներից։
2001թ. փետրվարի 26-ին Սամվել Բաբայանի գործով մեղադրական վճիռ կայացվեց, որը նախատեսում էր ունեցվածքի բռնագրավում և 14 տարի ազատազրկում:
2004 թ. սեպտեմբերի 17-ին Արկադի Ղուկասյանը Սամվել Բաբայանին ներում շնորհելու մասին հրաման ստորագրեց․ նախատեսված էր 14 տարվա բանտարկություն։
Ակնհայտ է, որ այն ժամանակ և այսօր էլ Սամվել Բաբայանի և իշխանությունների ջուրը մեկ առվով չի հոսում, և դա կարող է լինել փողերի լվացում, «Իգլայի» ներկրում, մահափորձի կազմակերպում և այլն։
Չեն կողմնորոշվում՝ ինչի համար ձերբակալեն Սամվել Բաբայանին․ ակնհայտ է, որ վախենում են նրանից։
Ինչպես է երեկ զինվորը կյանքից զրկվել․ նոր մանրամասներ
Անչափահասի հնարավոր սեռական շահագործման գործով NEWSPRESS-ի բացահայտումից հետո ՔԿ-ն քրեական վարույթ է...
Կյանքից հեռացած զինծառայող Նարեկ Թորոսյանը Չարենցավանից էր՝ տան միակ որդին
Մի քանի օրից կինոն սկսվելու է. Արթուր Դանիելյան
Մուրացան փողոցից 15-ամյա տղա է տեղափոխվել հիվանդանոց. նոր մանրամասներ զինված միջադեպից
Հայաստանում մեկնարկում է ամենահնամյա «Թատերական Լոռի» 32-րդ միջազգային փառատոնը. կներկայացվեն 20 երկ...
Ովքեր են ՔՊ-ից ինքնաբացարկ հայտնել. անուններ
Կրակոցներ՝ Երևանում. կա զոհ. դեպքի վայրում հայտնաբերվել է «Mercedes G» մակնիշի ավտոմեքենա
Նատալյա Ռոտենբերգը հայցադիմում է ներկայացրել դատարան ընդդեմ Տիգրան Արզաքանցյանի որդու
Ուկրաինան հայտնել է զոհերի մասին Օդեսայի մարզում՝ ռուսական հարվածների հետևանքով
