Զոհված ազատամարտիկի որդուն առաջին դասարան է ուղեկցել կուրսանտը (լուսանկարներ)

Ապրիլյան քառօրյա պատերազմի հերոս Արմեն Հովհաննիսյանի որդին՝ Արեգը առաջին քայլերը կատարեց դեպի դպրոց:

Այդ օրը նրան ուղեկցելու էին եկել կուրսանտ Էրկի Մարկոսյանն իր մոր՝ Գայանե Գառանյանի հետ:

Արգեը Արմենի միակ որդին է, ով այսօր արդեն դպրոցահասակ է և հաճախելու է նույն այն կրթօջախը,որտեղ իր հայրն էր սովորել:

Սիսիանի՝ հայրենի Ծղուկ գյուղի միջնակարգ դպրոցը ավարտելուց հետո Արմեն Հովհաննիսյանը զորակոչվել է նոր կազմավորված հայոց բանակ և ծառայել Արցախում:

1996 թվականին Քարվաճառում ականի պայթյունի հետևանքով կորցրել է ձախ դաստակը:

1997 թվականին ընդունվել է Սիսիանի պետական հումանիտար քոլեջի իրավագիտության բաժին:

2010 թվականին ընտրվել է Ծղուկի ավագանու անդամ, և հետագայում երկրորդ անգամ վերընտրվել:

Աշխատում էր «Սինգլ Գոռ» ՍՊԸ-ի («Սանդաղբյուր» ՓՀԷԿ) տնօրենի տեղակալ:

Ապրիլյան քաօրյա պատերազմի ժամանակ Արմենը 38 տարեկան էր: Նա ծնվել է 1978 թվականի մայիսի 13-ին:

Արմենը կամավոր անդամագրվել է Արցախի պաշտպանությանը մեկնող Սիսիանի կամավորականների ջոկատին:

Վիրավորվել է 2016-ի ապրիլի 4-ին, մահացել է՝ ապրիլի 7-ին:

Նրան ճանաչողները հիշում են Արմենին որպես ազնիվ, ընեկրասեր, կիրթ, խելացի, համարձակ ու հայրենասեր հայորդու: