Հովիկ Աբրահամյանն աղոթում է Արամայիս Գրիգորյանի համար

2000-ականներից հայ քաղաքական երկնակամարում Հովիկ Աբրահամյանն սկսեց կամաց-կամաց երևալ և հասավ հասարակ «մոշնիի» աշխատողից մինչև ԱԺ նախագահ և ՀՀ վարչապետ, սակայն այլևս նա տեղ չունի այնտեղ, որտեղ տարիներ ու ֆինանսներ է ներդրել:

2016-ից հետո, երբ Հովիկ Աբրահամյանի գործերը սկսեցին վատանալ, նրա մերձավորներից շատերն սկսեցին կամաց-կամաց հեռանալ երկրից, ոմանք՝ Գերմանիա, ոմանք՝ Իսպանիա, ոմանք էլ՝ Ռուսաստան` Կրասնոդար:

Եվ ո՞վ շահեց Աբրահամյանի վերելքից` նրա մերձավորները, և ո՞վ շահեց Աբրահամյանի անկումից` դարձյալ նրա մերձավորները, քանի որ հենց նրանք, լինելով Արարատի մարզի պետական ապարատի տարբեր կառույցներում, կարողացան այս տարիներին դուրս պրծնել աղքատության ճիրաններից, հողատարածքներ գնել ոչ միայն Հայաստանում, այլ նաև Ֆրանսիայում, Իսպանիայում և ծանր ժամանակներում ուղղակի փախան երկրից, ինչպես և եղավ:

Աբրահամյանների մերձավորներից ոմանք արդեն Իսպանիայում և Ֆրանսիայում են, այնտեղ բնակարաններ և հողատարածքներ ունեն հենց Աբրահամյանի հովանավորչության շնորհիվ:

Ասում են անգամ, որ մերձավորներն ուղղակի փախան, որովհետև պետական համակարգում աշխատելու տարիներին, քանի որ մասնագետներ չէին ու միայն աղքատությունից դուրս գալու մասին էին մտածում, խարդախություններով էին զբաղված և այժմ ֆինանսական չարաշահումների կծիկ բացվում, որն, ըստ քաղաքական անհրաժեշտության, կառնչվի նաև Հովիկ Աբրահամյանին:

Իսկ Հովիկ Աբրահամյանը չշահեց. այլ բան է ընկնել սովորական աթոռից, այլ բան է ընկնել վարչապետական աթոռից:

Նա միանգամից կորցրեց և′ կապերը, և′ օբյեկտները, և′ եկամուտը նվազեց, և′ առևտրային աղբյուրները պակասեցին: Կարճ ասած՝ Արարատի մարզում գահընկեց եղավ:

Իհարկե, դեռ հայտնի չէ, թե այս ամենն ինչով կավարտվի, քանի որ նա Հովիկ Աբրահամյանն է, ով կարող է փոխել խաղի կանոնները, բայց արդյոք ունի՞ այդքան ներուժ և ցանկություն կրկին բարձրանալ մոխիրներից…

Փաստը մնում է փաստ, որ նա այժմ զգուշանում է Գազի Հովոյից, ով տեր ու տնօրեն է դարձել մարզում՝ Գրիգորյան եղբայրների հետ մեկտեղ:

Ասում են, որ նա ամեն ինչ անում է, որ Արամայիս Գրիգորյանը մնա մարզպետ, հակառակ դեպքում, եթե Գազի Հովոն իշխանություն ունենա, ապա Աբրահամյանների իզն ու թոզը չի մնա:

Իհարկե, այս ընթացքում Աբրահամյանները ՌԴ Կրասնոդարի երկրամասում հողատարածք են գնել` ջերմոցներ են հիմնել, ունեցվածքի մի մասը, ըստ տարբեր լուրերի, տեղափոխել են Գերմանիա:

Մարզում այժմ հարաբերական անդորր է, Գրիգորյանները զգուշանում են Աբրահամյաններից, սակայն ցույց են տալիս, թե մարզում ով է տեր ու տնօրենը, իսկ Գազի Հովոն սպասում է հարմար պահի, որ Աբրահամյանների հետ հին հաշիվները մաքրի:

NEWSPRESS.am