Արաբկիրում, մինչ պատասխանատուները բանակցում են, աղբը ոտքի հետ դատարան է լցվում (լուսանկարներ)
Արաբկիր վարչական շրջանի ղեկավար Հովհաննես Վարդանյանի ֆեյսբուքյան էջին հետևելիս՝ ակամա ուզում ես արաբկիրցի լինել.
Աշխատանքային հանդիպումներ, բնակիչների ընդունելություններ, կանաչապատում… մի խոսքով՝ ֆեյսբուքյան իդեալական էջ, որը փայլ է տալիս միայն ֆեյսբուքին, իսկ իրականում պատկերն այլ է:
Սեպտեմբերի 5-ի գրառման մեջ էլ, Հովհաննես Վարդանյանն իր մտահոգությունն է հայտնել աղբահանության խնդրի շուրջ՝ նշելով, որ «Աղբահանության կազմակերպումն այսօր լուրջ հիմնախնդիր է: Կան բացթողումներ և թերացումներ…»:
Կեցցե վարչական շրջանի ղեկավարը. նկատել է, որ իր տարածքի այս ու այն փողոցում աղբակույտեր են գոյացել:
Այս բացթողումները լրացնելու համար էլ նա հանդիպել է աղբահանություն իրականացնող միջազգային ընկերության «Սանիթեք» ՍՊԸ Հայաստանյան մասնաճյուղի տնօրեն Նիկոլաս Էլ Թաուիլինին:
Թեմատիկ այս հանդիպման ժամանակ, ինչպես գրված է վարչական շրջանի ղեկավարի ֆեյսբուքյան էջում, Թաուիլին խոստացել է «սեղմ ժամանակահատվածում շտկել և կանոնակարգել աղբահանության հետ կապված թերացումները»:
Խոստումը՝ խոստմամբ, բայց այդ խոստումից 10 օր անց էլ դեռ այս ու այն փողոցում աղբակույտեր են երևում:
NEWSPRESS.am-ն արձանագրել է Արաբկիրին պատկանող փողոցներից մեկում գոյացած աղբակույտը: Այս աղբը գոյացել է Թիբիլիսյան խճուղում գտնվող, ոչ ավել-ոչ պակաս, ՀՀ Վարչական վերաքննիչ դատարանի մուտքից մի քանի քայլ հեռավորության վրա:
Այս աղբին նայելիս՝ թերևս կարելի է պատկերացնել, թե ինչու է դատական նիստերի ժամանակ երբեմն գաղջն այդքան շատ: Բայց զերծ մնանք դատական համակարգի գաղջության հետ կապված մեկնաբանություններից և խոսենք «մեր աղբից»:
Իհարկե, չենք կարող միանշանակ ասել, որ այս աղբը գոյացել է դատական համարակգի աշխատողների անփութության պատճառով, քանի որ տարածքում կան նաև բնակելիներ: Բայց հակ է նկատել, որ եթե վարչական շրջանի պատասխանատուները բարի գտնվեին այս տարածքում տեղադրել «Արաբկիր» կամ «Սանիթեք» մակագրություններով աղբամաններ, ինչպես սովորաբար արվում է նման դեպքերում, այստեղ աղբ չէր գոյանա:
Իսկ, եթե հանկարծ ոլորտի պատասխանատուներն այնուամնեայնիվ որոշեն արդարանալ կամ հակադարձել, թե դատարանի հենց մուտքի մոտ սխալ են համարում աղբաման տեղադրելը (ինչը չի բացառվում), ապա թող այդ դեպքում բացատրեն, թե որքանո՞վ է ճիշտ «աղբը ոտքի հետ դատարան լցնելը»:
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
Արթուր Դավթյանի մայրը «լայքում է» Լևոն Քոչարյանին (լուսանկար)
«Սալյարկայով շիշ կար՝ 5 լիտրանոց, մեքենան այրել են՝ փորձելով լռեցնել ինձ՝ քաղաքական հայացքների համար...
Գյումրեցի 18-ամյա լրագրողին ԱԱԾ-ն ձերբակակել է․ ընտանիքի անդամները շոկի մեջ են
Սյունյաց «ռեմբոներից» բան չմնաց. «Հրապարակ»
Զորակոչից մինչև ողբերգություն․ ի՞նչ է տեղի ունեցել զինվորի հետ. «Ժողովուրդ»
