Եղնուկյանի կինն ու երեխաները բաժին են տարվել Հրապարակում պայթուցիչ կիրառելու կասկածանքով. armtimes.com

armtimes.com-ի տեղեկություններով, Կարո Եղնուկյանի կնոջը և երեխաներին ոստիկանության Կենտրոնի բաժին են բերման ենթարկել Հանրապետության հրապարակում պայթուցիչ կիրառելու կասկածանքով:

ՀՀ ոստիկանության հասարակայնության հետ կապերի և լրատվության վարչությունից armtimes.com-ի հարցին ի պատասխան միայն ասացին, որ նրանք տարվել են բաժին «կոնկրետ» ահազանգով:

Նշենք, որ ՀՀ արտակարգ իրավիճակների նախարարության պաշտոնական կայքում ռումբ տեղադրելու վերաբերյալ մինչեւ 11:00-ն ահազանգ չկար, չնայած սրան Shamshyan.com կայքը ժամը 09:30-ին գրել է, մասնավորապես հետեւյալը. «Սեպտեմբերի 19-ին` ժամը 07։30-ի սահմաններում, ահազանգ է ստացվել Արտակարգ իրավիճակների նախարարության Փրկարար ծառայության եւ Ոստիկանության Երեւան քաղաքի վարչության օպերատիվ կառավարման կենտրոններ եւ հայտնել են, որ Հանրապետության հրապարակի մի քանի հատվածներում ռումբեր են տեղադրված եւ պայթելու են։ Ըստ այդմ՝ ոստիկանությունն ու Փրկարար ծառայությունը կատարում են աշխատանքներ՝ պարզելու համար՝ արդյո՞ք տեղեկությունը համապատասխանում է իրականությանը։

Ավելի ուշ՝ ՀՀ ԱԻՆ-նն իր պաշտոնական կայքում գրեց հետեւյալը. «Սեպտեմբերի 19-ին, ժամը 07:47-ին տեղեկություն է ստացվել, որ Հանրապետության Հրապարակում պայթուցիկ է տեղադրված. անհրաժեշտ է փրկարարների օգնությունը: Դեպքի վայր են մեկնել մեկ մարտական հաշվարկ, Ճգնաժամային կառավարման ազգային կենտրոնի օպերատիվ խումբը և հոգեբանական խորհրդատվության գծով կրտսեր հրահանգիչը»:

Նյութն ամբողջությամբ՝ սկզբնաղբյուր կայքում: