Լեգենդ, թե՞ իրականություն. Ապարանի «Քասախի ամրոց»-ն ու «Սիրո Աղբյուր»-ը հրաշք են խոստանում (ֆոտո)

Ապարանի հիշողությունը լի է հարուստ պատմությամբ: Հերոսական ճակատամարտերի միջով անցած ու այդ պատերազմից հաղթանակով դուրս եկած Բաշ-Աբարանն այսօր վեր է հառնում ու նորովի ներկայանում, թե՛ տեղաբնակներին, թե՛ այցելուներին:

Այսօր արդեն, հայտնվելով ապարանում, դժվար է արագ կողմնորոշվել, թե որտեղ կարելի է համտեսել ավանդական ուտեստներ, ակտիվ հանգիստ կազմակերպել ու հարկ եղած դեպքում՝ նաև գիշերել: Ընտրությունը մեծ է. այստեղ բոլոր հյուրընկալ պանդոկներն ու հացատներն իրենց հյուրասիրությունն են առաջարկում: Բայց երկար-բարակ մտածելու ժամանակ չկա:

Քաղաքի շունչն զգալու համար կարող եք այցելել օրինակ «Քասախի ամրոց» ռեստորանային-հյուրանոցային համալիր: Այս անունը համալիրը պատահական չի ստացել: Հնում Ապարանը կոչվել է Քասախ, իսկ մի պատմության համաձայն էլ՝ քաղաքի, արդեն այսօրվա, անվանումը առաջացել է ապարանք, այսինքն՝ պալատ, ամրոց բառից:

Այնպես որ, «Քասախի ամրոց»-ը, որը կառուցված է հենց գեղեցիկ ամրոցի տեսքով, իր հյուրերին կարող է պատմել հին ու նոր Ապարանի մասին:

Գեղեցիկ ճարտարապետական լուծումներով կառուցված ամրոցի բակում կարելի է տարբեր կենդանիների քարակերտ արձաններ տեսնել: Դրանք Նոյան Տապանից իջած կենդանիներին են կրկնօրինակել:

Համալիրը նաև հագեցած ժամանց ու հանգիստ է խոստանում:

Ճաշատեսակների ցանկով այստեղ կարող են բավարարել ամենաքմահաճ հաճախորդների պահանջները: Կարող եք ուտել ինչպես ավանդական հայկական կերակրատեսակներ, այնպես էլ՝ որսի միս: Ապարանում տեղական ճաշատեսակ կա՝ «Քռչիկ» անունով, այն պատրաստում են կաղամբի թթվից ու ձավարից, այնպես որ, կարող եք համտեսել նաև այս առանձնահատուկ ուտեստը:

Բայց այստեղ ոչ միայն կարելի է համեղ սնվել, այլև հարմարավետ գիշերել:

Իսկ մի քանի քայլ հեռավորության վրա «Սիրո Աղբյուր»-ն է: Այս աբյուրի շուրջ գեղեցիկ, հետաքրիքր ու իրական թվացող պատմություններ են հյուսել: Աղբյուրին հասնելու համար՝ պետք է անցնել «Սիրո կամրջով»:

Պատմում են, որ մի վարպետ է կառուցել աղբյուրն ու կամուրջը: Նա իր սիրած աղջկա հետ ժամանակին այս անտառներում հաճախ է զբոսնել: Հետագայում նրանք ամուսնացել են, ու վարպետը, ինչպես որ երազում «պատվեր էր ստացել», երեք ակով աղբյուր է կառուցել, որից հետո երեք զավակ է ունեցել:

Պատմում են նաև, որ նա, ով այդ աղբյուրից յոթ բուռ ջուր խմի՝ երազում կտեսնի իր սիրած էակին ու կհասնի նրան:

Այնպես, որ չի խանգարի անձամբ ստուգել՝ լեգե՞նդ է դա, թե՞ իրականություն:

Վերջին հաշվով, ոչինիչ կորցնելու չկա. եթե նույնիսկ աղբյուրը երազանքների ծարավը չհագեցնի, ապա «Քասախի ամրոց»-ը հաստատ ի զորու է իրականացնել ձեր լիարժեք հանգիստը կազմակերպելու անհագուրդ ցանկությունը: