Շիրակի պետհամալսարանի «գրադարանը» և թալանված գրապահոցը (լուսանկարներ)
Շատ զարմացա, երբ Շիրակի Պետհամալսարան այցելած ԿԳ նախարար Լևոն Մկրտչյանը հայտարարեց, որ բուհի գրադարանը նորմալ գործում է: Հինգ անգամ ԿԳ նախարարի պաշտոնը զբաղեցրած Լևոն Մկրտչյանն այդքան միամիտ պետք է չգտնվեր և ընդամենը երկու հարց տալով շատ արագ կպարզեր, թե ինչպես է բուհի գրադարանը «գործում»: Իսկ այդ երկու հարցերը հետևյալն էին՝ «Որքա՞ն է կազմել մեկ տարի առաջ և հիմա կազմում է գրքային ֆոնդը» և «Որտե՞ղ են Ձեր գրապահոցները»: Ընդամենը 10 րոպեից պարոն նախարարը կհասկանար, թե ինչ վիճակում է գտնվում գրադարանը: Իսկ քանի որ որոշ մարդիկ զբաղված են ուղղակի ապատեղեկատվության տարածումով և տարրական զրպարտությամբ, ապա ստիպված եմ հրապարակելու մի քանի փաստեր: Գրադարանից դուրս է բերվել 15 տոննա գիրք, որը կազմակերպվել է երկու փուլով: Գրքերն ամեն անգամ դուրս են բերվել երկուական բեռնատարներով: Գրադարանի վերաբերյալ 2014-2015 ուստարվա բուհի Գիտխորհրդին տրված հաշվետվությունից պարզվում է, որ գրադարանի գրքային ֆոնդը կազմել է 138.131 միավոր (տես լուսանկարը): Այս տեղեկությունը եղել է բաց և զետեղված ինստիտուտի նախկին կայքում:
Հետաքրքիր է, եթե պարոն Մկրտչյանը պահանջեր իրեն ներկայացնել գրքային ֆոնդի վերաբերյալ վերջին տվյալները, ի՞նչ թվեր էին ներկայացնելու պատասխանատուները: Բուհ ժամանած երևանյան լրագրողներին հետաքրքրող դատարկ գրապահոցի (տես լուսանկարը) վերաբերյալ էլ որոշ պատասխանատուներ հայտնել են, որ այն դատարկ է եղել շատ վաղուց, ինչը սուտ է և ծիծաղելի:
Ու դա այն դեպքում, երբ ընդամենը մի քանի ամիս առաջ այն գրքերով լի էր: Գրքերի և բուհի հանդեպ գործած բարբարոսությունը և հանցագործությունը բացատրելու նպատակով ռեկտորի յուրայինները որոշել են այն բացատրել նրանով, որ գրքերը փոշոտված են եղել և վարակված սնկային հիվանդությամբ: Այս անտրամաբանությունը չեմ էլ մեկնաբանի: Հասկանում եք, միանգամից 15 տոննա գիրք «հիվանդացավ»: Զարմանալի մարդիկ ենք: Այսքան տարի աշխատելով բուհում չգիտեինք, թե ինչ «էկոլոգիական ռումբի» վրա էինք նստած: Ռեկտոր Մինասյանը եկավ և փրկեց մեզ՝ ոչնչացնելով և ձերբազատվելով գրադարանի գրքային ֆոնդի գրեթե կեսից…
Հ.Գ. «Վիտրինա-գրադարանը» դիտելով՝ ենթադրություններ չեն անում…
Գագիկ Համբարյանի ֆեյսբուքյան էջից:
30-ամյա կինը հայտնել է, որ սեռական բռնության է ենթարկվել հյուրանոցում, ավտոմեքենայում ու նաև խոտերի ...
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Պատերազմում վիրավորված, այսօր՝ ծանր հիվանդության դեմ պայքարում․ Մեխակ Սմբատյանին օգնություն է անհրաժ...
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
